فوتو: depositphotos.com
2011 جىلعى ٷلگٸدەگٸ نومينالى 5 000 تەڭگەلٸك بانكنوتتار اينالىمنان الىپ تاستالۋى مٷمكٸن. ۇلتتىق بانكتٸڭ قاۋلى جوباسى "اشىق نقا" سايتىندا جارييالاندى, - دەپ حابارلايدى Tengrinews.kz.
"2023 جىلعى 25 جەلتوقساننان باستاپ قازاقستان رەسپۋبليكاسى ۇلتتىق ۆاليۋتاسىنىڭ 2011 جىلعى ٷلگٸدەگٸ اينالىستاعى نومينالى 5 000 تەڭگەلٸك بانكنوتتارى (ەسكٸ ٷلگٸدەگٸ بانكنوت) قازاقستان رەسپۋبليكاسى ۇلتتىق ۆاليۋتاسىنىڭ 2023 جىلعى ٷلگٸدەگٸ ديزاينى ٶزگەرتٸلگەن نومينالى 5 000 تەڭگەلٸك بانكنوتتارىنا (جاڭا ٷلگٸدەگٸ بانكنوت) اۋىستىرۋ باستالسىن.
2023 جىلعى 25 جەلتوقساننان 2024 جىلعى 24 جەلتوقسانعا دەيٸن ەسكٸ ٷلگٸدەگٸ بانكنوتتار مەن جاڭا ٷلگٸدەگٸ بانكنوتتاردىڭ قاتار اينالىس كەزەڭٸ بەلگٸلەنسٸن", - دەلٸنگەن قاۋلى جوباسىندا.
بۇل رەتتە جاڭا ٷلگٸدەگٸ بانكنوتتار مەن ەسكٸ ٷلگٸدەگٸ بانكنوتتار قاتار اينالىس كەزەڭٸندە زاڭدى تٶلەم قۇرالى بولىپ تابىلادى, قازاقستان رەسپۋبليكاسىنىڭ بٷكٸل اۋماعىندا تٶلەمدەر مەن اۋدارىمداردىڭ بارلىق تٷرلەرٸن جٷزەگە اسىرۋ, بانكتٸك شوتتارعا ەسەپتەۋ ٷشٸن ولاردىڭ بەلگٸلەنگەن قۇنى بويىنشا قابىلدانۋعا مٸندەتتٸ, سونداي-اق قازاقستان رەسپۋبليكاسى ۇلتتىق بانكٸنٸڭ, ۇلتتىق پوشتا وپەراتورىنىڭ بارلىق فيليالدارىندا, قازاقستان رەسپۋبليكاسىنىڭ ەكٸنشٸ دەڭگەيدەگٸ بانكتەرٸندە جەنە قازاقستان رەسپۋبليكاسىنىڭ بەيرەزيدەنت بانكتەرٸنٸڭ فيليالدارىندا شەكتەۋسٸز ۇساقتالادى جەنە ايىرباستالادى.
