Qazaqstanda 24 jeltoqsannan bastap eski kólikter ýtilizatsiiaǵa ýaqytsha qabyldanbaidy, dep habarlaidy "Ult aqparat" ROP operatorynyń baspasóz qyzmetine silteme jasap.
«Qoldanystan shyǵyp qalǵan tehnikany ýtilizatsiiaǵa qabyldaýdyń 40 myń danalyq jyldyq jospary oryndalyp qoiǵandyqtan, eski avtokólikterdiń qabyldaý beketteriniń jumysyna ózgeris engizilgenin habarlaimyz. 2020 jylǵy 23 jeltoqsannan bastap Qazaqstannyń 17 óńirindegi qabyldaý beketteri eskirgen jeńil, jolaýshylar jáne júk kólikterin qabyldaý jumysyn toqtatady. Avtokólik ielerinen ótinim elektrondy kezekke sáikes saǵat 17.00-ge deiin qabyldanady», - delingen resmi aqparatta.
2020 jylǵy jeltoqsannyń 24-nen 31-ne deiin qabyldaý beketterinde tehnikalardy presteý jáne tasymaldaý, olardy Qaraǵandyǵa jetkizý jumystary júrgiziledi. Sonymen qatar operator qoldanystan shyǵyp qalǵan, ózdiginen júretin aýyl sharýashylyǵy tehnikalaryn qabyldaý kvotasy oryndalyp qoiǵanyn habarlaidy. 5 qarasha men 15 jeltoqsan aralyǵynda ýtilizatsiiaǵa 100 traktor men 20 kombain qabyldanǵan.
«Eski tehnikalardy ótkizý úshin halyqty yntalandyrý jumysy kelesi jyly jalǵasady. Qoldanystan shyǵyp qalǵan tehnikalardy 2021 jyly qabyldaý baǵdarlamasy týraly qosymsha aqparat aldaǵy ýaqytta taratylady», - delingen habarlamada.
