Foto: UQK
Qazaqstanda esirtki arnasyn uiymdastyrǵan adam ustaldy. Aldyn ala málimet boiynsha, esirtki internet arqyly satylǵan, - dep habarlaidy UQK baspasóz qyzmeti.
Astana jáne Almaty boiynsha UQK departamenti prokýratýra organdarynyń úilestirýimen sintetikalyq esirtkini elge jetkizýdiń halyqaralyq arnasynyń jolyn kesti.
"Qabyldanǵan sharalardyń nátijesinde esirtki arnasyn uiymdastyrǵan adam qamaýǵa alyndy", - delingen habarlamada.
Sonymen qatar, Almaty oblysy boiynsha UQKD jedel qyzmetkerleri prokýratýranyń kómegimen esirtkiniń iri partiiasy bar qoimany tapty.
"Qazaqstannyń azamaty esirtki zatyn saqtady degen kúdikpen ustalyp, sottyń sanktsiiasymen qamaýǵa alyndy. Aldyn ala málimetter boiynsha, esirtki aimaqta jumys isteitin iri esirtki dúkeniniń múddesi úshin internet arqyly satylǵan", - delingen habarlamada.
Osy is-sharalardyń nátijesinde 18 keli psihotroptyq zattar men 500 litrden astam prekýrsorlar tárkilendi.
Qylmystyq kodekstiń 297-babynyń 3-bóligi boiynsha sotqa deiingi tergep-tekserý júrgizilip jatyr. Qylmystyq-protsestik kodekstiń 201-babynyń 1-bóligine sáikes ózge aqparat jariialanbaidy.
