Foto: Aleksandr Demianchýk / TASS
IIM Ákimshilik politsiia komitetiniń tóraǵasy Qaisar Sultanbaev shlem, júrgizýshi kýáligi jáne shaǵylystyratyn kiiminsiz samokat tebetinder qalai jazalanatynyn aitty, - dep habarlaidy Tengrinews.kz saity.
Búgin senatorlar samokat týraly zań jobasyn maquldady, oǵan sáikes elektrsamokatpen júris bóliginiń oń jaq shetki jolaǵymen, sonyń ishinde bir qatardaǵy avtobýs jolaǵymen júrýine ruqsat etiledi. Bul rette samokat júrgizýshisi 18 jasqa tolǵan bolýy kerek, ol shlem jáne shaǵylystyratyn kiim kiiýýi kerek, sondai-aq kez kelgen sanattaǵy júrgizýshi kýáligi bolýy tiis.
Senat kýlýarynda jýrnalister samokat júrgizýshisi erejelerdiń birin buzsa, qandai jaza kútip turǵanyn surady.
"Endi elektrsamokat júrgizýshileri eki bap boiynsha: Ákimshilik quqyq buzýshylyq týraly kodekstiń 593-baby, jolaýshylar men júkterdi tasymaldaý erejelerin saqtamaǵany úshin ákimshilik jaýapkershilikke tartylady. 5 AEK (17 250 teńge) kóleminde aiyppul salynady. Sondai-aq, jol qozǵalysyna qatysýshylarǵa qoiylatyn ózge de talaptardy buzǵany úshin aiyppul, bul - 620-bap, oǵan barlyq basqa quqyq buzýshylyqtarda kiredi, 5 AEK aiyppul", - dedi Qaisar Sultanbaev.
