Foto: Pexels.com
Qazaqstanda endi benzin men dizel otynynyń baǵasy memleket tarapynan rettelmeidi, dep habarlaidy Ult.kz.
Energetika ministrliginiń málimetinshe, Qazaqstanda kórshi eldermen salystyrǵanda benzin baǵasynda úlken aiyrmashylyq baiqalady. Mysaly Qazaqstandaǵy AI-92 markaly benzin baǵasynyń kórshi eldermen aiyrmashylyǵy 40%-dan 138%-ǵa deiin, dizeldik otyn baǵasyndaǵy aiyrmashylyq 20%-dan 79%-ǵa deiin jetedi.
"Bul benzin tapshylyǵyn týyndatyp, ártúrli zańsyz shemalar arqyly benzindi shetelge zańsyz shyǵarý áreketterin arttyrady", – delingen habarlamada.
Ministrlik baǵanyń qatty kóterilmeitinin aitady.
"Azamattardyń múddelerin qorǵaý úshin áleýmettik qoldaý sharalary jalǵasady. Al aýyl sharýashylyǵy taýarlaryn óndirýshiler dizeldik otyndy ashyq shemalar boiynsha jáne tiimdi baǵaǵa ala alady", – delingen ministrlik habarlamasynda.
