Prezident Qasym-Jomart Toqaev Qazaqstanda eń tómengi jalaqy taǵy oń myń teńgege ósetinin málimdedi, - dep habarlaidy "Ult aqparat".
"Eńbekaqyny naryqtaǵy jaǵdaiǵa sai ósirý – halyqtyń ál-aýqatyn arttyrýdyń basty faktory. Memleket eń tómengi jalaqyny aiqyndaýdyń jańa tásilin engizedi. Bul ádis onyń mólsherin birtindep ulǵaitýǵa múmkindik beredi.
Men eń tómengi jalaqy deńgeiin 60 myń teńgeden 70 myń teńgege deiin kóterý týraly sheshim qabyldadym. Bul sheshim 1,8 million azamattyń tabysyna tikelei áser etedi.
Biz zeinetaqy júiesin de qaita jańǵyrtamyz. Zeinetaqynyń eń tómengi bazalyq mólsherlemesin birtindep eń tómengi kúnkóris deńgeiiniń 70 paiyzyna, al joǵarǵy shegin 120 paiyzyna jetkizý qajet. Buǵan deiin qabyldanǵan sheshimdermen birge bul qadam 2025 jylǵa qarai jiyntyq zeinetaqy mólsherin ortasha alǵanda 27 paiyzǵa kóbeitýge múmkindik beredi" - dedi Memleket basshysy Qazaqstan halqyna Joldaýynda.
