Brand Analytics alǵash ret Qazaqstandaǵy 2021 jyldyń aqpanynda aqparattaryna áleýmettik mediada eń kóp silteme jasalǵan BAQ reitingin usyndy.
Mediareitingtiń úzdik 30 aqparat quralynyń qataryna jańalyqtar agenttikteri, jelilik basylymdar, gazetter men telearna ókildikteri, sondai-aq óńirlik jáne sport salasynda jazatyn buqaralyq aqparat quraldary endi. Zertteý kezeńi: 1.02 – 28.02. 2021.
Bul týraly Brand Analytics habarlady.
Jariialanǵan reitingte BAQ-tyń tanymaldylyǵy nazarǵa alyndy. Jańalyq jeli qoldanýshysyna qyzyq bolsa, ol ony jelilerde belsendi túrde bólise bastaidy. Áleýmettik jelilerde materialdyń siltemesin jariialaidy, forýmdarda nemese UGC-resýrstarda ony talqylaidy.
Jel qoldanýshylarynyń belgili bir derekkózdiń jariialanymdaryna degen qyzyǵýshylyǵy neǵurlym joǵary bolsa, áleýmettik media oǵan soǵurlym kóbirek silteme jasaidy.
2021 jylǵy aqpanda Qazaqstan aýmaǵynda COVID-19 virýsyna qarsy vaktsinalaý jáne «Spýtnik V» vaktsinasyn qoldaný taqyryby basty nazarda boldy.
Úzdik 30 BAQ-tyń kóshin jańalyqtardan basqa zańnama, zańtaný jáne qarjy máselelerine mamandandyrylǵan Zakon.kz saity bastady. Ekinshi orynda eldegi jáne sheteldegi saiasi-ekonomikalyq oqiǵalar men jańalyqtardy baiandaityn QazAqparat aqparat agenttigi tur. Úshinshi orynǵa Qazaqstandaǵy Sputnik jańalyqtar agenttigi jaiǵasty.
«Áleýmettik mediada kóp silteme jasalatyn qazaqstandyq úzdik 30 BAQ» reitingine qatysýshylar birlesip 2021 jylǵy aqpanda áleýmettik mediada qazaq jáne orys tilderindegi paidalanýshylardyń habarlamalarynan 800 myńnan astam silteme aldy. Siltemelerdiń jartysy BAQ-tyń alǵashqy bestigine tiesili.
Qazaqstannyń BAQ reitingisiniń qurylymy:
11 onlain-basylym
7 jańalyq agenttigi, 6 telearna, gazet pen radionyń onlain-ókildigi
4 óńirlik basylym
2 sport portaly
Úzdik 30 BAQ 2021 jyldyń aqpanyndaǵy «Top-100 viraldy orys tildi mediaresýrstarǵa» kirdi: QazAqparat, Zakon.kz, Sports.kz, Tengri News, Inbusiness.kz, Sputnik Qazaqstan, Qazaqstan jańalyqtary. Bul BAQ-tyń Qazaqstan turǵyndary arasynda ǵana emes, sondai-aq elden tys jerlerde de jaqsy tanymal ekenin kórsetedi.
