Kópqabatty úilerdegi páter saýdasynyń negizgi úlesi Almaty (24,3%), Astana (23,5%) qalalaryna jáne Qaraǵandy oblysyna (7,9%) tiesili. Bul jaiynda ulttyq statbiýro habarlady.
2024 jyldyń qańtarymen salystyrǵanda, kóppáterli úidegi mámile sany 4,4% (1128 mámilege) azaidy.
2024 jyldyń aqpan aiynda páter boiynsha barlyǵy 24 517 mámile jasaldy, bul jalpy mámile sanynyń 80,3%.
Bólme sany boiynsha 2 bólmeli páter satylymy basym boldy, 2024 jyldyń aqpanynda osyndai 9 167 mámile resimdelgen.
2024 jyldyń qańtar aiymen salystyrǵanda, aqpanda jeke turǵyn úiler boiynsha turaqtylyq baiqalady, mámile sany 0,8% nemese 51 mámilege azaidy.
Aqpanda barlyǵy 6 017 mámile tirkeldi. Sonymen qosa, azaiý elimizdiń barlyq aimaǵynda baiqaldy.
Eń joǵary ósim Astana (+65,7%), Almaty (+14,1%) qalalarynda jáne Shyǵys Qazaqstan oblysynda (+9,4%) baiqaldy.
Al bir aidaǵy eń úlken quldyraý Abai (-23,7%), Soltústik Qazaqstan (-10,8%) jáne Túrkistan (-9,8%) oblystarynda boldy.
2024 jylǵy aqpanda turǵyn úidi satyp alý-satý mámilesi byltyrǵy aqpanmen salystyrǵanda 26,6% kóbeigen, ol kezde 24 118 mámile resimdelgen bolatyn.
Oń kórsetkish Ulytaý jáne Mańǵystaý oblystarynan basqa eldiń barlyq aimaǵynda tirkeldi, ondaǵy azaiý sáikesinshe 18,3% jáne 8,7%.
Pavlodar oblysynda ulǵaiýdyń eń úlken kórsetkishi (75,4%) tirkeldi.
2024 jyldyń qańtar-aqpan ailaryndaǵy mámile sanynyń 2023 jyldyń qańtar-aqpan ailaryndaǵy mámile sanymen salystyrǵanda 28,6% oń dinamika baiqaldy.
