Búgin Úkimet otyrysynda QR Premer-ministri Asqar Mamin 2025 jylǵa deiin elektrondy kommertsiiany damytýǵa arnalǵan Jol kartasyn ázirleýdi tapsyrdy. Conymen birge Úkimet basshysy 2025 jylǵa qarai elde elektrondy kommertsiianyń damý deńgeiine boljam jasady.
Bul salany 2018-2025 jyldar aralyǵynda infraqurylym men jańa jumys oryndaryn qurýdy 33 myńnan 314 myńǵa deiin ósiretin ekonomikalyq ósimniń draiverleriniń biri retinde qarastyrǵan jón. Elektrondyq kommertsiianyń ekonomikaǵa mýltiplikativti áseri JIÓ-niń jyldyq 1.1% -dyq qosymsha úlesin boljaýǵa múmkindik beredi. Maminniń aitýynsha, elektrondy kommertsiianyń dáiekti damýy trafikten túsetin túsimdi 4 ese arttyrady. Sonymen birge elektrondyq kommertsiia búgingi tańda ǵalamdyq tendentsiia bolyp tabylady.
E-commerce – servistik ekonomikanyń belsendi damyp kele jatqan salalarynyń biri. Sarapshylardyń pikirinshe, 2025 jylǵa qarai atalǵan salanyń naryqtaǵy ósimi 1,5-den 2,8 trillion dollarǵa jetedi. Damyǵan elderde Qytaidaǵy elektrondy kommertsiianyń úlesi shamamen 21%, EO-da 15%, AQSh-ta 10%-dan joǵary. Boljam boiynsha, 2025 jylǵa qarai qazaqstandyq internet-saittardaǵy satyp alý kólemi 153 mlrd.teńgeden 2-3 trln.teńgege deiin ósedi jáne jalpy bólshek saýdanyń 25%-yn quraidy.
Asqar Mamin elektrondyq kommertsiiany odan ári damytý úshin birqatar tapsyrmalar berdi.
«Qazposhta» AQ arqyly elimizdiń barlyq iri qalalarynda 2025 jylǵa deiin kóliktik-logistikalyq ortalyqtardy iske qosý jumystaryn jalǵastyrý qajet. Sondai-aq, Horgosta burynnan bar infraqurylymdy paidalaný múmkindikterin qarastyrýǵa bolady», - dep túsindirdi premer-ministr.
Sondai-aq ol qazirgi tańda álemdegi iri bólshek saýda núkteleriniń elektrondy kommertsiiaǵa arnalǵan qoimalar retinde paidalanylatyndyǵyn atap ótti.
