2020 jylǵy qańtarda Qazaqstanda 110 myńnan astam avtokólik tirkeýge qoiyldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaidy "Ult aqparat".
«Esepti kezeńde ákimshilik politsiia organdary 110 845 avtokólikti tirkeýge qoidy. Atalǵan kórsetkish ótken jyldyń sáikes kezeńinen 1,6 paiyzǵa artyq. Onyń ishinde 103 797-si ekinshi ret tirkelgender úlesinde, iaǵni bir adamnan ekinshi adamnyń atyna aýystyrylǵan kólikter sanatyna jatqyzyldy. Bir jyl burynǵy deńgeimen salystyrǵanda ósim 0,9 paiyz boldy. Al alǵash ret tirkelgen kólik quraldarynyń sany 7 048-di qurady. Ol byltyrǵa qaraǵanda, 13,2 paiyzǵa joǵary», - dep atap kórsetilgen taratylǵan málimette.
Biyl qańtarda Qazaqstan aýmaǵynda eki elektromobil tirkelgen eken.
«QazAvtoÓnerkásiptiń» habarlaýynsha, esepti kezeńde qaita tirkelgen kólikterdiń úshten ekisinen astamyn (69 paiyzy) paidalaný merzimi 10 jyldan asqan kólikter qamtyǵan.
Onyń ishinde 20 jyldan asqandardyń úlesi 44 693 myń (43,1 paiyz) bolsa, 11-den 20 jylǵa deiingiler 26 paiyzdy (26 943 kólik) qurady. Al 4-ten 7 jylǵa deiin – 17 468 (16,8 paiyz), 8-den 10 jylǵa deiin – 10 088 (9,7 paiyz), 1-den 3 jylǵa deiingi kólikter sany 4 555-ke jetti. Sonymen qatar, paidalaný merzimi 1 jylǵa jetpegen kólikterdiń úlesi 0,05 paiyz (50 avtomobil) boldy.
