2020 جىلعى قاڭتاردا قازاقستاندا 110 مىڭنان استام اۆتوكٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعى مەلٸم ەتتٸ, دەپ حابارلايدى "ۇلت اقپارات".
«ەسەپتٸ كەزەڭدە ەكٸمشٸلٸك پوليتسييا ورگاندارى 110 845 اۆتوكٶلٸكتٸ تٸركەۋگە قويدى. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 1,6 پايىزعا ارتىق. ونىڭ ٸشٸندە 103 797-سٸ ەكٸنشٸ رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. بٸر جىل بۇرىنعى دەڭگەيمەن سالىستىرعاندا ٶسٸم 0,9 پايىز بولدى. ال العاش رەت تٸركەلگەن كٶلٸك قۇرالدارىنىڭ سانى 7 048-دٸ قۇرادى. ول بىلتىرعا قاراعاندا, 13,2 پايىزعا جوعارى», - دەپ اتاپ كٶرسەتٸلگەن تاراتىلعان مەلٸمەتتە.
بيىل قاڭتاردا قازاقستان اۋماعىندا ەكٸ ەلەكتروموبيل تٸركەلگەن ەكەن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنەن استامىن (69 پايىزى) پايدالانۋ مەرزٸمٸ 10 جىلدان اسقان كٶلٸكتەر قامتىعان.
ونىڭ ٸشٸندە 20 جىلدان اسقانداردىڭ ٷلەسٸ 44 693 مىڭ (43,1 پايىز) بولسا, 11-دەن 20 جىلعا دەيٸنگٸلەر 26 پايىزدى (26 943 كٶلٸك) قۇرادى. ال 4-تەن 7 جىلعا دەيٸن – 17 468 (16,8 پايىز), 8-دەن 10 جىلعا دەيٸن – 10 088 (9,7 پايىز), 1-دەن 3 جىلعا دەيٸنگٸ كٶلٸكتەر سانى 4 555-كە جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,05 پايىز (50 اۆتوموبيل) بولدى.
