Qazaqstanda elektr energiiasynyń tarifi 6,6 paiyzǵa qymbattady, dep habarlaidy Energyprom resýrsy.
QR UEM Statistika komitetiniń málimetinshe, 2020 jyldyń qańtar-tamyzynda elimizde 69,8 mlrd kVt/saǵat elektr energiiasy óndirildi. Bul bir jyl buryn dál osyndai kólemnen 0,3 paiyzǵa kóp. Aqshaǵa shaqqanda elektr energiiasyn óndirý, berý jáne taratý 787 mlrd teńgeni qurady. jalpy, 2019 jyly eliizde 106,5 mlrd kVt/saǵat elektr energiiasy óndirilip, 2018 jylmen salystyrǵanda ósim 0,7 paiyz bolǵan edi.
Óńirlik shekte ádettegidei Pavlodar, Qaraǵandy jáne Shyǵys Qazaqstan oblystary elektr energiiasyn kóp óndirdi. Osy úsh óńir elimizde óndirilgen jalpy elektr energiiasynyń 63,2 paiyzyn berip otyr.
Pavlodar oblysynda jalpy elektr energiiasynyń 39,1 paiyzy, naqty aitqanda 27,2 mlrd kVt/saǵaty óndirildi. Degenmen, bir jyl burynǵy kórsetkishten 3,2 paiyzǵa kem bolǵany baiqalady. Al Qaraǵandy oblysynda kerisinshe elektr energiiasyn óndirý 5,1 paiyzǵa artyp, 10,6 mlrd kVt/saǵatty qurady.
Úzdik úshtikke kiretin Shyǵys Qazaqstan oblysynda 6,2 mlrd kVt/saǵat elektr energiiasy óndirildi. Óńir biyl elektr energiiasyn óndirýdi ótken jylmen salystyrǵanda 3,2 paiyzǵa tómendetip aldy.
Osy jyldyń qyrkúieginde elimizde elektr energiiasynyń tarifi ótken jyldyń qyrkúiegimen salystyrǵanda 6,6 paiyzǵa qymbattady.
Baǵa ósimi ásirese Batys Qazaqstan (1 jyldyń ishinde 19,9 paiyzǵa ósim), elorda (15,5) jáne Shymkent (10,1) turǵyndaryne qatty baiqaldy.
Al Aqmola oblysynda elektr energiiasy 0,9 paiyzǵa arzandap otyr.
