© Sputnik / Vladislav Vodnev
Qazaqstanda elektr energiiasy qymbattaidy, kelesi aida naqty tarifter belgili bolady. Bul týraly ulttyq ekonomika ministrliginiń tabiǵi monopoliialardy retteý komiteti tóraǵasynyń mindetin atqarýshy Timýr Qosymbaev málimdedi, dep habarlaidy Sputnik Qazaqstan.
1 shilde kommýnaldyq qyzmetterdiń tarifin kóterýge tyiym salǵan moratoriidiń merzimi aiaqtalǵan bolatyn. Sodan bastap monopolister memlekettik organdarǵa tarifti kóterý týraly ótinishter jibere bastady.
Sonyń ishinde elektr energiiasynyń baǵasyn arttyrý máselesi de bar.
"Biz sýbektilerdiń ótinimderin qabyldadyq. Ony qaraý ýaqyty – 30 kún. Bizdiń oiymyzsha, qyrkúiek aiynda qolymyzda naqty sandar bolady. Jalpy, qymbattaidy", - dedi Qosymbaev ortalyq kommýnikatsiialar qyzmetinde ótken brifingte.
Onyń sózine qaraǵanda, tarifter halyqtyń qaltasyna salmaq túsetindei birden kymbattap ketpeidi, birtindep kóteriledi. Árbir aimaqtyń áleýmettik-ekonomikalyq jaǵdaiy da eskeriledi.
"Qazirgi kezde ulttyq bank infliatsiia deńgeii 8-10 dep otyr. Tarifter osy kórsetkishten tómen bolýy kerek. Bunyń barlyǵy ashyq talqylanady. Sonyń nátijesinde árbir tarif boiynsha sheshim qabyldanady", - dep atap kórsetti Qosymbaev.
