QR Energetika vitse-ministri Jandos Nurmaǵanbetov Qazaqstanda elektr energiia tapshylyǵy bolýy múmkin ekenin aitty, dep habarlaidy Ulysmedia.kz.
Onyń aitýynsha, KEGOC kompaniiasynyń baǵalaýy boiynsha 2022-2023 jyldardaǵy jylý berý maýsymynda elektr energiiasynyń tapshylyǵy 1-1,5 mlrd kVtsaǵ bolmaq.
Mundai jaǵdai jylý berý maýsymynda ýaǵdalastyq boiynsha Qyrǵyzstanǵa elektr energiiasyn bergen kezde bolýy múmkin. Atalǵan kelisim aiasynda Qyrǵyzstan jaǵy elimizdiń ońtústik óńirlerine sýdy tiisti kólemde jiberedi.
«Aldaǵy qys kezinde de elektr energiiasyn berý eskerilgen. Tapshylyq boiynsha KEGOC eseptep shyǵarǵan málimetke qaraǵanda, Qyrǵyzstanǵa energiia jetkizý saqtalsa, onda tiisti tapshylyq kólemin óteý kerek. Bul turǵyda qys kezinde elimizdiń stantsiialarynyń tehnikalyq jaǵdaiy mańyzdy bolyp tur. Atap aitqanda, el aýmaǵyn energiiamen qamtamasyz etý - ministrlik pen júielik operatordyń mindeti. Barlyǵy elektr energiiasymen tolyq kólemde qamtamasyz etiletin bolady», - dedi vitse-ministr.
