Mamandar eldi mekenderdiń elektrondy kartasy qalai jasalatynyn aityp berdi, dep habarlaidy "Ult aqparat" QR IIDM baspasóz qyzmetine silteme jasap.
Eldi mekenderdiń jer ústi jáne jer asty kommýnikatsiialaryn túgendeý jáne tsifrlandyrý, aýmaqtyń sandyq josparlaryn qurý memlekettik qala qurylysy kadastrynyń bazalyq deńgeiine ený úshin júzege asyrylady.
«Biz jasap jatqan jumys óte ózekti. Injenerlik kommýnikatsiialardy tsifrlandyrý jelidegi júktemeni baqylaýǵa jáne ýaqytynda qýattylyqty arttyrýǵa, jóndeýdi josparlaýǵa jáne jańa qondyrǵylardy injenerlik jelige qosý protsesin jeńildetýge múmkindik beredi. Joldardy, jylýmen jabdyqtaý obektilerin, sýmen jabdyqtaý, kanalizatsiialyq nysandardy jóndeý jáne basqa qurylys-montajdaý jumysy kezinde jeliniń apattyq deńgeii aitarlyqtai tómendeidi. Qazir túgendeý protsesi pilotsyz ushý apparatynyń aerofototúsirilimi (budan ári - PUA) jáne ǵaryshtan túsirilgen sýret arqyly Jerdi qashyqtyqtan zondtaý materialyn qoldana otyryp jedeldetilýde jáne jeńildetilýde», - dedi «Memqalaqurylyskadastry» RMK bas direktory Turlybek Musabaev.
«Memqalaqurylyskadastry» RMK , joǵaryda atalǵan jumysty «Delair UX11» ushaq tipti dron qoldana otyryp júrgizedi. Ushaqtyń aerofototúsirilim materialdary arnaiy baǵdarlamalyq jasaqtama kómegimen muqiiat taldanady. Nátijesinde eldi mekender aýmaǵynyń jalpy aýdany 3230 ga bolatyn 1:500 masshtabynda kadastrlyq josparlardy qurýdyń tsifrlyq kartografiialyq negizi ortofotomap qalyptasady.
Pilotsyz júieni paidalaný jeke turǵyn úiler kóp jetý qiyn aýdandardy (ár aýlaǵa kirý múmkindigi bolmaǵan kezde) túsirýge óte tiimdi. Qazirgi ýaqytta bul jumys Pavlodar, Shymkent, Petropavl, Aqtóbe, Oral, Taraz, Qyzylorda, Óskemen jáne Aqtaý qalalarynda júrgizilip jatyr.
«Túgendeý nátijesi boiynsha barlyq kommýnikatsiialar men ǵimarattardyń ornalasýy týraly egjei-tegjeili aqparaty bar eldi mekenderdiń tsifrlyq elektrondy kartasy jasalady. Sandyq karta obektiler men aýmaqtyń qazirgi tehnikalyq jaǵdaiy týraly, sonymen qatar ákimdikter men áleýetti investorlardyń aýmaqty damytýdy josparlaý kezinde ońtaily basqarý sheshimin qabyldaý qabilettiligi týraly obektivti túsinik beredi», delingen habarlamada.
