Elimizde ekinshi medbike koronavirýs juqtyryp aldy, dep habarlaidy "Ult aqparat" QR Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetine silteme jasap.
Birinshi medbike indetti Atyraý oblysynda juqtyrǵanyn buǵan deiin jazǵan bolatynbyz.
Ekinshi jaǵdai Qyzylorda oblysynda anyqtaldy.
«Oblys ortalyǵynda turatyn 23 jastaǵy turǵynnan túnde alynǵan synamalardyń qorytyndysy oń nátije kórsetti. Ol emhanada medbike bolyp jumys isteidi jáne keshe koronavirýs diagnozy rastalǵan naýqasqa em-dom jasaǵan. Onymen jaqyn bailanysta bolǵan 16 adam karantinde, qalǵany úi jaǵdaiyndaǵy karantinde», - delingen aqparatta.
Osy ýaqytta Qazaqstanda indetti juqtyrýdyń rastalǵan 271 oqiǵasy tirkeldi.
