ەلٸمٸزدە ەكٸنشٸ مەدبيكە كوروناۆيرۋس جۇقتىرىپ الدى, دەپ حابارلايدى "ۇلت اقپارات" قر دەنساۋلىق ساقتاۋ مينيسترلٸگٸ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنە سٸلتەمە جاساپ.
بٸرٸنشٸ مەدبيكە ٸندەتتٸ اتىراۋ وبلىسىندا جۇقتىرعانىن بۇعان دەيٸن جازعان بولاتىنبىز.
ەكٸنشٸ جاعداي قىزىلوردا وبلىسىندا انىقتالدى.
«وبلىس ورتالىعىندا تۇراتىن 23 جاستاعى تۇرعىننان تٷندە الىنعان سىنامالاردىڭ قورىتىندىسى وڭ نەتيجە كٶرسەتتٸ. ول ەمحانادا مەدبيكە بولىپ جۇمىس ٸستەيدٸ جەنە كەشە كوروناۆيرۋس دياگنوزى راستالعان ناۋقاسقا ەم-دوم جاساعان. ونىمەن جاقىن بايلانىستا بولعان 16 ادام كارانتيندە, قالعانى ٷي جاعدايىنداعى كارانتيندە», - دەلٸنگەن اقپاراتتا.
وسى ۋاقىتتا قازاقستاندا ٸندەتتٸ جۇقتىرۋدىڭ راستالعان 271 وقيعاسى تٸركەلدٸ.
