Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Saiasat

"Qazaqstanda ekinshi apta qatarynan azyq-túlik qymbattamady" - Úkimet

Ult portaly
"Qazaqstanda ekinshi apta qatarynan azyq-túlik qymbattamady" - Úkimet


Qazaqstan úkimeti elde ekinshi apta qatarynan áleýmettik mańyzy bar azyq-túlik ónimderiniń nóldik ósimi tirkelgenin málimdedi, - dep habarlaidy "Ult aqparat" premer-ministr saityna silteme jasai otyryp.

QR premer-ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri boiynsha keńes ótkizdi.

Ótken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý indeksi 0,0 paiyzdy kórsetti. Qabyldanǵan sharalar esebinen ekinshi apta qatarynan kartop (-0,4 paiyz), piiaz (-1,3 paiyz) jáne sábiz (-2 paiyz) baǵasynyń tómendeýi baiqalady. Bir apta ishinde qyryqqabat baǵasynyń ósý qarqyny 0,1 paiyzǵa tómendedi.

Óńirlerde "ainalym shemasyn" qarjylandyrý 47,9 milliard teńgege jetti. Nysanaly deńgei 95,7 paiyzǵa qamtamasyz etildi. "Ainalym shemasy" boiynsha tiimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanai, Soltústik Qazaqstan jáne Túrkistan oblystarynda baiqalady.

Ótken aptada Básekelestikti qorǵaý jáne damytý agenttigi baǵa belgileý boiynsha básekelestikke qarsy sóz bailasqan is-áreketter belgileri boiynsha Aqmola, Pavlodar, Soltústik Qazaqstan jáne Qaraǵandy oblystarynda taýyq jumyrtqasyn ótkizýdi júzege asyratyn 7 qus fabrikasyna qatysty tergeýdi bastady.

Taýyq jumyrtqasy, qus eti jáne qant naryǵy sýbektilerine baǵalyq sóz bailasý belgileriniń bolýyna jáne túrli baǵalardy qoldanýyna qatysty 12 habarlama jiberildi.

Shyǵys Qazaqstan oblysynyń kóterme jetkizýshisimen monopoliiaǵa qarsy komplaenstiń 1 aktisi jasaldy. Jalpy, respýblika boiynsha óndirýshilermen, kóterme jetkizýshilermen jáne saýda jelilerimen monopoliiaǵa qarsy komplaenstiń 140 aktisi jasaldy.

Premer-ministr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondai-aq infliatsiianyń jalpy deńgeiin 8,5 paiyz sheginde ustap turý boiynsha jumysty jalǵastyrýdy tapsyrdy.

Óńirler ákimdikterine "ainalym shemasy" boiynsha qarjylandyrýdy usynylǵan kólemderge jetkizý, azyq-túlik boiynsha bes ailyq qordy qamtamasyz etý, saýda jelileri men óndirýshiler arasynda forvardtyq kelisimsharttar jasasýdy ýaqytyly uiymdastyrý tapsyryldy.

Aita keteiik, jiynda qazirgi jaǵdai men júrgizilip jatqan jumys týraly saýda jáne integratsiia vitse-ministri Erjan Qazanbaev, aýyl sharýashylyǵy ministri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarin, Almaty qalasynyń ákimi Baqytjan Saǵyntaev, Shymkent qalasynyń ákimi Murat Áitenov, Túrkistan oblysynyń ákimi Ómirzaq Shókeev, Almaty oblysynyń ákimi Amandyq Batalov jáne t. b. baiandady.

Oqi otyryńyz