Qazaqstanda ekinshi atom elektr stantsiiasy aldaǵy 10 jylda Kýrchatov qalasyna jaqyn mańda, Ertis ózeni boiynda salynýy múmkin. Bul týraly ortalyq kommýnikatsiialar alańynda ótken baspasóz máslihatynda energetika vitse-ministri Jandos Nurmaǵanbetov aitty, dep habarlaidy Sputnik Qazaqstan.
Onyń aitýynsha, qurylysty júrgizýge Balqash kóli jáne Ertis ózeni qolaily alań sanalady.
Oǵan qosa Balqashtyń Úlken aýylynda Qazaqstandaǵy alǵashqy AES-ti salý josparlanǵan.
"Eger Qazaqstan kómirtek beitaraptyǵyna aparatyn joldy tańdasa, onda birneshe atom stantsiiasyn salýdan basqa jol joq. Ertis – perspektivaly alań. Birinshi AES qurylysy bastalyp, sátti iske qosylǵan jaǵdaida: "Qazaqstanda qansha atom elektr stantsiiasy bolady?" degen ekinshi suraq týyndaidy. Ekinshi AES Ertis boiynda, Kýrchatov qalasy aýmaǵynda paida bolýy ábden múmkin", – dedi energetika vitse-ministri.
Buǵan deiin energetika ministri Bolat Aqsholaqov Qazaqstan jyl sońyna deiin birinshi AES salýdyń tehnologiiasyna qatysty sheshim qabyldaitynyn aitqan bolatyn.
