Sýret: ashyq derekkózden
Qazaqstanda tirkeý satysynda turǵan partiialar bar ma? Bul suraqqa Ádilet vitse-ministri Botagóz Jaqselekova jaýap berdi, dep habarlaidy "Ult aqparat" Kazinform-ǵa silteme jasap.
«Qazaqstanda 7 saiasi partiia tirkelgen. Dál qazir Ádilet ministrliginde qaralyp jatqan jańa saiasi partiialardyń ótinishteri joq. Biraq biylǵy jyldyń basynan beri Ádilet ministrligine saiasi partiialar qurý týraly úsh habarlama kelip tústi. Olardyń barlyǵy belgilengen tártipte qaraldy. Bireýi qoldaý tapty — Yntymaq partiiasy. Qalǵan ekeýi boiynsha qujattary tolyq jinalmaǵan, sondyqtan qabyldanbady», — dedi B. Jaqselekova Senatta ótken baspasóz máslihatynda tilshiler suraǵyna jaýap bere otyryp, ol sondai-aq qai partiialardy tirkeýge ruqsat berilmegenin aitty.
«Bul turǵyda «Alǵa Qazaqstan» men «Halyq derbestigi» partiialarynyń tizimi sáikes kelmegen. Osynyń negizinde ruqsat berilmedi», — dedi vitse-ministr.
