Foto:gov.kz
Memleket basshysynyń "Ortalyq atqarýshy organdar basshylarynyń halyqpen kezdesýlerin ótkizý týraly" Jarlyǵyna ózgerister men tolyqtyrýlar engizilmek. Usynylǵan túzetýler jobasy "Ashyq NQA" saitynda jariialandy, - dep habarlaidy Tengrinews.kz saity.
Qoldanystaǵy qaýlyǵa sáikes, ortalyq atqarýshy organdardyń basshylary (qorǵanys ministrlikteri men syrtqy ister ministrlikterin qospaǵanda) jyl boiy turaqty túrde halyqpen kezdesýler ótkizip turýy tiis. Engizilgen túzetýlerge sáikes, Tótenshe jaǵdailar jáne Ishki ister ministrlikterine de olardyń jumys erekshelikterin eskere otyryp, erekshelikter engizý usynylǵan.
Sondai-aq ortalyq atqarýshy organdar basshylarynyń halyqpen kezdesýler kestesin qalyptastyrý jáne bekitý tártibin ózgertý kózdelgen.
Túzetýlerge sáikes, jarty jylda bir ret, 1 jeltoqsan men 1 maýsymǵa deiin jergilikti atqarýshy organdar óńirdegi ahýaldy taldaý negizinde halyqty tolǵandyratyn máselelerdiń tizbesin, kún tártibin, kezdesýlerdi ótkizý orny men kúnderin aiqyndaidy, sodan keiin keste jasalady.
Eger ortalyq atqarýshy organnyń birinshi basshysy belgilengen ýaqytta obektiv sebeptermen kezdesýge qatysa almasa, onda onyń orynbasary jiberiledi.
