QR Qarjy ministrligi Memlekettik kirister komiteti E-Salyq Business jańa mobildi qosymshasyn tanystyrdy, dep habarlaidy QazAqparat tilshisi.
QR QM Memlekettik kirister komiteti tóraǵasynyń orynbasary Jaidar Ińkárbaevtyń aitýynsha, mobildi qosymsha Qazaqstandaǵy kásipkerlerdiń jumysyn jeńildetý úshin daiarlandy.
«Bul turǵyda jeke kásipkerdi tirkeýden bastap, arnaiy salyq rejimderin tańdaý, esep-qisap pen kiristerdi júrgizý tárbine qatysty barlyq jumysty jeńildetý maqsat etip qoiyldy. Ózderińiz bilesizder, bul rásimder shaǵyn kásipkerlik sýbektileri úshin aityrlyqtai qiyndyq týǵyzady. Atalǵan qosymshada barsha qyzmet qarastyrylǵan. Sonymen qatar, qosymsha kassa apparatynyń fýntsionalymen jetildirildi. Kassa túbirtekteri bazasynda kásipkerdiń kirisi qalyptasady jáne osy tabystyń bazasynda avtomatty túrde salyq deklaratsiiasy toltyrylady», - dedi J. Ińkárbaev Ortalyq kommýnikatsiialar qyzmetinde.
Onyń sózine qaraǵanda, osy qosymshany paidalanatyn kásipkerge memlekettik kirister basqarmasy bólimshelerine barýdyń qajet joq. Barlyq qyzmetter avtomatty túrde iske asyrylady.
«Qosymsha servister túrli anyqtamalardy berýdi qarastyrady. Kásipkerler memlekettik kirister basqarmasynda alý tiis qyzmetterdiń barlyǵy osy qosymshada qamtylǵan. Salyq organdary tarapynan qajet bolǵanda eskertpeler kelip túsedi», - dedi komitet ókili.
