قر قارجى مينيسترلٸگٸ مەملەكەتتٸك كٸرٸستەر كوميتەتٸ E-Salyq Business جاڭا موبيلدٸ قوسىمشاسىن تانىستىردى, دەپ حابارلايدى قازاقپارات تٸلشٸسٸ.
قر قم مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى جايدار ٸڭكەرباەۆتىڭ ايتۋىنشا, موبيلدٸ قوسىمشا قازاقستانداعى كەسٸپكەرلەردٸڭ جۇمىسىن جەڭٸلدەتۋ ٷشٸن دايارلاندى.
«بۇل تۇرعىدا جەكە كەسٸپكەردٸ تٸركەۋدەن باستاپ, ارنايى سالىق رەجيمدەرٸن تاڭداۋ, ەسەپ-قيساپ پەن كٸرٸستەردٸ جٷرگٸزۋ تەربٸنە قاتىستى بارلىق جۇمىستى جەڭٸلدەتۋ ماقسات ەتٸپ قويىلدى. ٶزدەرٸڭٸز بٸلەسٸزدەر, بۇل رەسٸمدەر شاعىن كەسٸپكەرلٸك سۋبەكتٸلەرٸ ٷشٸن ايتىرلىقتاي قيىندىق تۋعىزادى. اتالعان قوسىمشادا بارشا قىزمەت قاراستىرىلعان. سونىمەن قاتار, قوسىمشا كاسسا اپپاراتىنىڭ فۋنتسيونالىمەن جەتٸلدٸرٸلدٸ. كاسسا تٷبٸرتەكتەرٸ بازاسىندا كەسٸپكەردٸڭ كٸرٸسٸ قالىپتاسادى جەنە وسى تابىستىڭ بازاسىندا اۆتوماتتى تٷردە سالىق دەكلاراتسيياسى تولتىرىلادى», - دەدٸ ج. ٸڭكەرباەۆ ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, وسى قوسىمشانى پايدالاناتىن كەسٸپكەرگە مەملەكەتتٸك كٸرٸستەر باسقارماسى بٶلٸمشەلەرٸنە بارۋدىڭ قاجەت جوق. بارلىق قىزمەتتەر اۆتوماتتى تٷردە ٸسكە اسىرىلادى.
«قوسىمشا سەرۆيستەر تٷرلٸ انىقتامالاردى بەرۋدٸ قاراستىرادى. كەسٸپكەرلەر مەملەكەتتٸك كٸرٸستەر باسقارماسىندا الۋ تيٸس قىزمەتتەردٸڭ بارلىعى وسى قوسىمشادا قامتىلعان. سالىق ورگاندارى تاراپىنان قاجەت بولعاندا ەسكەرتپەلەر كەلٸپ تٷسەدٸ», - دەدٸ كوميتەت ٶكٸلٸ.
