Munai baǵasy quldyraǵannan keiin Qazaqstannyń valiýta aiyrbastaý pýnktterinde dollar kúrt qymbattap ketti, dep habarlaidy "Ult aqparat".
kurs.kz saityndaǵy aqparatqa sensek, Nur-Sultan men Almatynyń aiyrbastaý pýnkterinde dollar qazir 400 teńgeden satylyp jatyr.
Qazaqstan megapolisterindegi valiýta aiyrbastaý pýnkterinde bir dollardyń quny 396 teńgeden 399 teńgege deiin qubylady.
Ulttyq banktiń resmi baǵamy toǵyzynshy naýryzda bir dollar úshin 382.05 teńgege teń.
Dollardyń kúrt qymbattaýy munai baǵasynyń quldyraýymen bailanysty bolýy múmkin.
Ótken aptada Resei OPEK+ kelisiminen shyqqannan keiin álemdik naryqta baǵa tórtten birge tómendedi.
9 naýryzdaǵy jaǵdai boiynsha Brent markaly munai 25,2%-ke, barreline 33,86 dollarǵa deiin arzandady. Saýda-sattyq barysynda munai baǵasynyń kórsetkishi minimýmdy jańalady, eń tómen baǵa 2016 jyldyń 12 qańtarynda tirkelgen edi. Ol kezde "qara altyn" quny barreline 31,38 dollarǵa deiin tústi.
