Energetika ministrligi dizel otyny baǵasyn turǵylyqty jerine, tutyný kólemine jáne kólik túrine qarai saralaýdy engizýdi josparlap otyr. Bul týraly vedomstvo basshysy Bolat Aqsholaqov málimdedi, - dep habarlaidy Tengrinews.kz.
Onyń aitýynsha, ministrlikke tranzittik kólikter men shekara perimetri boiynsha saralanǵan baǵalardy ázirleý arqyly dizel otyny tapshylyǵyn boldyrmaý mindeti júktelgen.
"Shekara qyzmeti málimetinshe, Qazaqstan Respýblikasyna kúnine 4,5 myńǵa jýyq júk kóligi kiredi, onyń 70 paiyzǵa jýyǵy sheteldik kólikter. Janar-jaǵarmai quiý beketterindegi baǵanyń tómendigi ortasha ailyq tutyný kóleminiń shamamen 120 myń tonnaǵa artýyna ákeledi.
Qazirgi ýaqytta ministrlik dizel otynynyń saralanǵan baǵasyna bailanysty buiryq jobasyn ázirledi. Baǵalar turǵylyqty jerine, tutyný kólemine jáne kólik túrine qarai saralanady. Bul jumys múddeli memlekettik organdarmen jáne taraptarmen jalǵasady", - dedi ministr Ortalyq kommýnikatsiialar qyzmetindegi baspasóz máslihatynda.
