Energetika ministri buiryǵynyń jobasy jariialandy. Onda dizel otyny baǵasyn turǵylyqty jerine, tutyný kólemine jáne kólik túrine qarai saralaý qarastyrylǵan, - dep habarlaidy Tengrinews.kz.
Qujat jobasy "Ashyq NQA" portalynda jariialandy.
Aqmola, Aqtóbe, Shyǵys Qazaqstan, Batys Qazaqstan, Qostanai, Soltústik Qazaqstan, sondai-aq Abai oblystarynda dizel otyny baǵasy mynadai mólsherde belgilengen:
- Qazaqstan Respýblikasynda berilgen jeke kýáligin kórsetken kezde Qazaqstan Respýblikasynyń azamattaryna 1 táýlikte 100 litrge deiingi kólemde - 1 litrge 260 teńge;
- Qazaqstan Respýblikasynda berilgen jeke kýáligin jáne júk, arnaiy, mamandandyrylǵan avtomobilder men avtobýstarǵa tehnikalyq pasportyn kórsetken kezde Qazaqstan Respýblikasynyń azamattaryna 1 táýlikte 300 litrge deiingi kólemde - 1 litrge 260 teńge;
Nur-Sultan, Almaty, Shymkent qalalarynda, Almaty, Atyraý, Jambyl, Qaraǵandy, Qyzylorda, Pavlodar, Túrkistan, Mańǵystaý, sondai-aq Jetisý, Ulytaý oblystarynda:
- Qazaqstan Respýblikasynda berilgen jeke kýáligin kórsetken kezde Qazaqstan Respýblikasynyń azamattaryna 1 táýlikte 100 litrge deiingi kólemde - 1 litrge 230 teńge;
- Qazaqstan Respýblikasynda berilgen jeke kýáligin jáne júk, arnaiy, mamandandyrylǵan avtomobilder men avtobýstarǵa tehnikalyq pasportyn kórsetken kezde Qazaqstan Respýblikasynyń azamattaryna 1 táýlikte 300 litrge deiingi kólemde - 1 litrge 230 teńge;
Belgilengen kólemnen joǵary nemese satýdyń ózge de jaǵdailary úshin - 1 litrge 450 teńge.
Qujatty qoǵamdyq talqylaý 2022 jyldyń 18 tamyzyna deiin jalǵasady.
Eske salaiyq, buǵan deiin Energetika ministrligi dizel otyny baǵasyn turǵylyqty jerine, tutyný kólemine jáne kólik túrine qarai saralaýdy josparlap otyrǵany habarlanǵan bolatyn. Bul týraly Energetika ministri Bolat Aqsholaqov málimdegen edi.
