Jazǵy dizel otyny bir jyl ishinde segiz paiyzǵa qymbattady. Bul - dizel otyny tapshylyǵyna deiingi jaǵdai. Janarmai tapshylyǵy Reseiden jetkizilgen ónim esebinen óteledi, baǵa Reseidegi kóterme baǵaǵa bailanysty, - dep habarlaidy Tengrinews.kz tilshisi Energyprom.kz-ke silteme jasap.
Biyl tamyzdaǵy qorytyndy boiynsha, jazǵy dizel otynynyń baǵasy jylyna 8,1 paiyzǵa - litrine 199 teńgege deiin ósken.
Qazaqstannyń iri qalalary men megapolisteriniń ishinde jazǵy dizel otynynyń eń qymbat kórsetkishi Qostanaida boldy (215 teńge), eń arzany - Taraz ben Semeide (195 teńge).
Qostanai (14,1 paiyzǵa), Batys Qazaqstan (11,9 paiyzǵa) jáne Soltústik Qazaqstan (10,6 paiyzǵa) oblystarynyń turǵyndaryna qymbatshylyq qiyndyq týdyrdy. Baǵanyń eń az ósýi Shyǵys Qazaqstan oblysynda tirkeldi (jylyna 5,8 paiyzǵa).
2021 jyldyń qańtar-tamyzynda elimizde 3,4 million tonna dizel otyny óndirildi, bul byltyrǵymen salystyrǵanda 8,2 paiyzǵa kóp. Eń iri óndiris kólemi Pavlodar (1,3 million tonna, jylyna 25,3 paiyz) jáne Atyraý (1 million tonna, pliýs 1,3 paiyz) oblystarynda. 2020 jyly respýblikada otyn óndirý 7,1 paiyzǵa, 4,7 millionǵa tómendedi.
Óndiris kólemi ósýine qaramastan, respýblikada dizel otyny jetispeýshiligi baiqalady. Energetika vitse-ministri Áset Maǵaýov Ortalyq kommýnikatsiialar qyzmetinde ótken brifingte biyl dizel otynyn óndirý kólemi 4,9 million tonnaǵa jetetinin, bul joǵary kórsetkish ekenin, biraq suranys ta soǵan sai rekordtyq kórsetkishte ekenin aitty.
"Bizdiń eseptýimiz boiynsha, suranys aiyna shamamen 50-60 myń tonnaǵa ósti. Qansha dizel óndirsek te, suranys ósip jatyr. Mamyr-qyrkúiekte dizel otynyna suranys 2019 jylmen salystyrǵanda 260 myń tonnaǵa jáne byltyrmen salystyrǵanda 480 myń tonnaǵa ósti. Tamyzda 519 myń tonna dizel otyny jumsaldy. Buryn mundai bolmaǵan. Qor azaiyp jatyr. Dizel otynyn eksporttaý naýryzda, benzin qańtarda toqtatyldy", - dedi vitse-ministr.
Qazaqstandyq otyn óte arzan, sondyqtan shekara mańyndaǵy óńirlerde de satylyp jatyr.
"Bizdiń baǵalaýymyz boiynsha, negizgi sebep dizel otyny baǵasynyń aitarlyqtai aiyrmashylyǵynan bolyp otyr. Iri JQS-de shamamen litrine 207-208 teńge, qalǵan jelilerde - 230-240 teńge. Jyl basynan beri litrine 200 teńge boldy. Salystyryp qarasaq, Resei Federatsiiasymen litrine 100 teńgege, Ózbekstanmen - 70-80 teńgege, Qyrǵyz Respýblikasymen - 61 teńgege aiyrmashylyq bar. Sonymen qatar, tranzittik aǵymdar Qazaqstan shekaralarynda janarmai quiyp alýǵa tyrysady", - dep túsindirdi Maǵaýov.
PMHZ-daǵy jóndeýge bailanysty janarmai Reseiden jetkiziledi. Importtalatyn gazoil baǵasy Resei Federatsiiasyndaǵy kóterme baǵaǵa bailanysty bolady.
Eske salaiyq, dizel otyny tapshylyǵy kóptegen óńirlerde baiqaldy, dizel tek talon boiynsha berildi. Tapshylyqqa bailanysty Pavlodar oblysynda MHZ jóndeý jumystary keiinge qaldy.
