جازعى ديزەل وتىنى بٸر جىل ٸشٸندە سەگٸز پايىزعا قىمباتتادى. بۇل - ديزەل وتىنى تاپشىلىعىنا دەيٸنگٸ جاعداي. جانارماي تاپشىلىعى رەسەيدەن جەتكٸزٸلگەن ٶنٸم ەسەبٸنەن ٶتەلەدٸ, باعا رەسەيدەگٸ كٶتەرمە باعاعا بايلانىستى, - دەپ حابارلايدى Tengrinews.kz تٸلشٸسٸ Energyprom.kz-كە سٸلتەمە جاساپ.
بيىل تامىزداعى قورىتىندى بويىنشا, جازعى ديزەل وتىنىنىڭ باعاسى جىلىنا 8,1 پايىزعا - ليترٸنە 199 تەڭگەگە دەيٸن ٶسكەن.
قازاقستاننىڭ ٸرٸ قالالارى مەن مەگاپوليستەرٸنٸڭ ٸشٸندە جازعى ديزەل وتىنىنىڭ ەڭ قىمبات كٶرسەتكٸشٸ قوستانايدا بولدى (215 تەڭگە), ەڭ ارزانى - تاراز بەن سەمەيدە (195 تەڭگە).
قوستاناي (14,1 پايىزعا), باتىس قازاقستان (11,9 پايىزعا) جەنە سولتٷستٸك قازاقستان (10,6 پايىزعا) وبلىستارىنىڭ تۇرعىندارىنا قىمباتشىلىق قيىندىق تۋدىردى. باعانىڭ ەڭ از ٶسۋٸ شىعىس قازاقستان وبلىسىندا تٸركەلدٸ (جىلىنا 5,8 پايىزعا).
2021 جىلدىڭ قاڭتار-تامىزىندا ەلٸمٸزدە 3,4 ميلليون توننا ديزەل وتىنى ٶندٸرٸلدٸ, بۇل بىلتىرعىمەن سالىستىرعاندا 8,2 پايىزعا كٶپ. ەڭ ٸرٸ ٶندٸرٸس كٶلەمٸ پاۆلودار (1,3 ميلليون توننا, جىلىنا 25,3 پايىز) جەنە اتىراۋ (1 ميلليون توننا, پليۋس 1,3 پايىز) وبلىستارىندا. 2020 جىلى رەسپۋبليكادا وتىن ٶندٸرۋ 7,1 پايىزعا, 4,7 ميلليونعا تٶمەندەدٸ.
ٶندٸرٸس كٶلەمٸ ٶسۋٸنە قاراماستان, رەسپۋبليكادا ديزەل وتىنى جەتٸسپەۋشٸلٸگٸ بايقالادى. ەنەرگەتيكا ۆيتسە-مينيسترٸ ەسەت ماعاۋوۆ ورتالىق كوممۋنيكاتسييالار قىزمەتٸندە ٶتكەن بريفينگتە بيىل ديزەل وتىنىن ٶندٸرۋ كٶلەمٸ 4,9 ميلليون تونناعا جەتەتٸنٸن, بۇل جوعارى كٶرسەتكٸش ەكەنٸن, بٸراق سۇرانىس تا سوعان ساي رەكوردتىق كٶرسەتكٸشتە ەكەنٸن ايتتى.
"بٸزدٸڭ ەسەپتۋٸمٸز بويىنشا, سۇرانىس ايىنا شامامەن 50-60 مىڭ تونناعا ٶستٸ. قانشا ديزەل ٶندٸرسەك تە, سۇرانىس ٶسٸپ جاتىر. مامىر-قىركٷيەكتە ديزەل وتىنىنا سۇرانىس 2019 جىلمەن سالىستىرعاندا 260 مىڭ تونناعا جەنە بىلتىرمەن سالىستىرعاندا 480 مىڭ تونناعا ٶستٸ. تامىزدا 519 مىڭ توننا ديزەل وتىنى جۇمسالدى. بۇرىن مۇنداي بولماعان. قور ازايىپ جاتىر. ديزەل وتىنىن ەكسپورتتاۋ ناۋرىزدا, بەنزين قاڭتاردا توقتاتىلدى", - دەدٸ ۆيتسە-مينيستر.
قازاقستاندىق وتىن ٶتە ارزان, سوندىقتان شەكارا ماڭىنداعى ٶڭٸرلەردە دە ساتىلىپ جاتىر.
"بٸزدٸڭ باعالاۋىمىز بويىنشا, نەگٸزگٸ سەبەپ ديزەل وتىنى باعاسىنىڭ ايتارلىقتاي ايىرماشىلىعىنان بولىپ وتىر. ٸرٸ جقس-دە شامامەن ليترٸنە 207-208 تەڭگە, قالعان جەلٸلەردە - 230-240 تەڭگە. جىل باسىنان بەرٸ ليترٸنە 200 تەڭگە بولدى. سالىستىرىپ قاراساق, رەسەي فەدەراتسيياسىمەن ليترٸنە 100 تەڭگەگە, ٶزبەكستانمەن - 70-80 تەڭگەگە, قىرعىز رەسپۋبليكاسىمەن - 61 تەڭگەگە ايىرماشىلىق بار. سونىمەن قاتار, ترانزيتتٸك اعىمدار قازاقستان شەكارالارىندا جانارماي قۇيىپ الۋعا تىرىسادى", - دەپ تٷسٸندٸردٸ ماعاۋوۆ.
پمحز-داعى جٶندەۋگە بايلانىستى جانارماي رەسەيدەن جەتكٸزٸلەدٸ. يمپورتتالاتىن گازويل باعاسى رەسەي فەدەراتسيياسىنداعى كٶتەرمە باعاعا بايلانىستى بولادى.
ەسكە سالايىق, ديزەل وتىنى تاپشىلىعى كٶپتەگەن ٶڭٸرلەردە بايقالدى, ديزەل تەك تالون بويىنشا بەرٸلدٸ. تاپشىلىققا بايلانىستى پاۆلودار وبلىسىندا محز جٶندەۋ جۇمىستارى كەيٸنگە قالدى.
