Elimizde densaýlyq saqtaý salasyna bólinetin qarjy jan basyna shaqqanda 133 500 teńgeni quraidy.
Bul týraly QR Densaýlyq saqtaý ministrligine qarasty S. Qaiyrbekov atyndaǵy ulttyq ǵylymi densaýlyq saqtaýdy damytý ortalyǵynyń basqarma tóraǵasy Aleksandr Kostiýk málim etti, dep habarlaidy QazAqparat.
«Densaýlyq saqtaý tehnologiialary álemdegi óte aýqymdy qarajat jumsalatyn salanyń biri. Sonymen qatar atalǵan salaǵa zertteý júrgizý de mańyzdy. Sebebi densaýlyq saqtaý salasyndaǵy barlyq tehnologiia birdei emes jáne onyń paidasy da ártúrli. Aldymen onyń tiimdiligin teksergen jón. Qazaqstanda densaýlyq saqtaýǵa bólinetin qarjy jan basyna shaqqanda shashamen 300 dollardy (133 500 teńge) quraidy. Al AQSh-ta bul kórsetkish 40 esege artyq. Árine, bul baǵytta bizge áli kóp jumys isteý kerek», - dedi Aleksandr Kostiýk densaýlyq saqtaý tehnologiialaryn baǵalaýdy damytý máselesine arnalǵan halyqaralyq ǵylymi-praktikalyq konferentsiia barysynda.
Onyń aitýynsha, densaýlyq saqtaý tehnologiiasynyń baǵasy emes tiimdiligi mańyzdy.
«Óitkeni, adamdarǵa tehnologiianyń qansha turatyny emes, onyń naýqasty emdep shyqqany kerek. Bizdiń elde densaýlyq saqtaý tehnologiiasyn baǵalaý 2010 jyldan bastap engizildi. Ókinishke qarai, baǵalaý keń kólemde júrip jatqan joq. Sondyqtan densaýlyq saqtaý tehnologiiasyn baǵalaý tiisti nátije bere qoimaityny belgili. Eger otandyq densaýlyq saqtaý salasyna taldaý jasasaq, shamamen dári-dármekke jumsalatyn qarjyny 20-40 paiyzǵa qysqartyp, ony basqa innovatsiialyq jobalarǵa jumsaýǵa bolady. Bul jerde áńgime qoldanystaǵy mańyzdy dári-dármekti qysqartyp tastaý týraly emes. Aldymen taldaý júrgizip, jaǵdaidy baǵalaý kerek», - deidi ol.
