Sinoptikter Qazaqstandaǵy 22-24 qyrkúiekke arnalǵan aýa raiy boljamyn usynady, dep habarlaidy "Ult aqparat".
«Kúzgi kún men túnniń teńesýi kúni astronomiialyq kúz bastalady. Osyǵan bailanysty, respýblikanyń basym oblystarynda jańbyrly ári sýyq aýa raiy kútiledi. Bul Qazaqstanǵa Batys Sibirden yǵysatyn salqyn atmosferalyq fronttar men tsiklonǵa bailanysty», delingen «Qazgidromet» RMK-nyń habarlamasynda.
Tek respýblikanyń batys oblystarynda ońtústik-batystan kelgen troposferalyq aǵyndar men joǵary atmosferalyq qysymǵa bailanysty aýa raiy jyly jáne jaýyn-shashynsyz bolady dep kútilýde.
