Qazaqstanda demalys kúnderi karantin sharalary kúsheitilip, birqatar nysan jumysyn qaita toqtatady, dep habarlaidy "Ult aqparat".
QR Bas memlekettik sanitarlyq dárigeri Aijan Esmaǵambetovanyń qaýlysyna sáikes 17 tamyzdan bastap elimizde karantin sharalary jeńildetilip, biraqatar kásipkerlik nysannyń jumysyna qaita ruqsat berildi. Alaida, karantindik shekteýler demalys kúnderi saqtalady.
Osyǵan orai, 22 jáne 23 tamyz kúnderi saqtalatyn shekteýlerdi eske salamyz:
- qoǵamdyq kóliktiń qozǵalysyna;
- 65 jastan asqan adamdardyń kóshege shyǵýyna;
- saýda, oiyn-saýyq ortalyqtary (ondaǵy azyq-túlik sýpermarketteri men dárihanalardy qospaǵanda), saýda úileriniń, saýda jelileriniń jumysyna;
- azyq-túlik emes jáne azyq-túlik jabyq bazarlarynyń jumysyna;
- sulýlyq salondary, shashtarazdar, SPA-ortalyqtary, kosmetologiialyq qyzmet kórsetetin nysandardyń jumysyna;
- fitnes-ortalyqtar men sporttyq-saýyqtyrý ortalyqtar, qoǵamdyq monshalar, saýnalardyń jumysyna;
- balalar men eresekterge arnalǵan bilim berý ortalyqtarynyń, túzetý kabinetteriniń jumysyna;
- ashyq aýada attraktsiondardyń jumysyna tyiym salynady.
Sondai-aq 17 tamyzdan karantinniń jeńildetilýine qaramastan, birqatar nysannyń qyzmetine jumys jáne demalys kúnderi de ruqsat berilmegen edi.
Atap aitqanda,
- barlardyń, túngi jáne oiyn klýbtarynyń, karaoke, fýdkorttardyń, kinoteatrlardyń jáne balalar men eresekterge arnalǵan basqa da oiyn-saýyq oryndarynyń jumysyna;
- mádeniet nysandarynyń, mýzeilerdiń qyzmetine, konferentsiialar, kórmeler, forýmdar ótkizýge;
- oiyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úide ótkizýge;
- basseinder, qalalyq jáne qoǵamdyq jaǵajailar, ashyq akvaparkterdiń jumysyna;
- dini nysandardyń jumysyna;
- qala mańyndaǵy jolaýshylar poiyzdarynyń/elektrichkalardyń qozǵalysyna, jumys poiyzdaryn, qalaaralyq avtobýstardy/mikroavtobýstardy qospaǵanda, ortaq vagondardy qurýǵa tyiym salynady.
