Qazaqstanda karantin sharalary jeńildep, demalys kúnderi kei nysandardyń jumysyna ruqsat berildi, dep habarlaidy "Ult aqparat" primeminister.kz resýrsyna silteme jasap.
Búgin QR Premer-Ministriniń orynbasary E. Toǵjanovtyń tóraǵalyǵymen ótken Vedomstvoaralyq komissiianyń otyrysynda sanitarlyq-epidemiologiialyq ahýaldy turaqtandyrý jáne jumys kúnderi kelýshiler aǵynyn azaitý maqsatynda demalys kúnderi jumys isteýge ruqsat berý týraly sheshim qabyldandy:
- - sulýlyq salondary, shashtarazdar, kosmetikalyq qyzmet kórsetetin obektilerge (portalda tirkelý infokazakhstan.kz, 1 kelýshige aldyn ala jazylý boiynsha 4 sh. m.);
- - fitnes-ortalyqtary, sporttyq-saýyqtyrý ortalyqtary, trenajer zaldary, sporttyq keshender, SPA-salondar, saýnalar, basseinderge (portalda tirkelý infokazakhstan.kz, tolymdylyǵy 30% artyq emes, biraq 50 adamnan artyq emes, aldyn ala jazylý, betperde rejimin, áleýmettik qashyqtyqty saqtaý);
- - dini nysandarǵa (jeke, ujymdyq is-sharalar ótkizbei).
Memlekettik organdarmen, «Atameken» UKP-men jáne otandyq taýar óndirýshilermen talqylaý qorytyndysy boiynsha meditsinalyq maskalardyń shekti bólshek saýda baǵasy 80 teńgeden 60 teńgege deiin, iaǵni 25%-ǵa tómendedi.
Sondai-aq, úshinshi toqsanda ataýly áleýmettik kómek (AÁK) taǵaiyndalǵan alýshylarǵa, memlekettik instantsiialarǵa júginbei, 2020 jyldyń 4 toqsanynda avtomatty túrde uzartý týraly sheshim qabyldandy.
Bul shara memlekettik organdarda adamdardyń jappai jinalý múmkindigin azaitý arqyly azamattardyń koronavirýstyq infektsiiany juqtyrý qaýpin azaitýǵa múmkindik beredi.
Premer-Ministrdiń orynbasary birqatar basqa da tapsyrmalar berdi.
