Elimizdiń barlyq óńirinde delta shtamynyń ósýi sońǵy bir aptada artyp otyr, dep habarlaidy "Ult aqparat".
Bul týraly Densaýlyq saqtaý ministriniń birinshi orynabsary Marat Shoranov ortalyq kommýnikatsiialar qyzmetinde ótken baspasóz máslihatynda aitty.
«Sońǵy aptada delta shtamnyń taralýy ótken aptaǵa qaraǵanda respýblikanyń barlyq óńirinde ósken. Syrqattaný kórsetkishiniń ósimi 1,9 ese boldy. Óńirlerdegi tósek-oryn qoryn monitoringileý derekterine sáikes 8 shildedegi jaǵdai boiynsha tósekterdiń respýblika boiynsha júktelimi – 37 paiyz, reanimatsiialyq tósekterdiń júktelimi – 32 paiyz», - dedi vitse-ministr.
Eske sala keteiik, sońǵy derekter boiynsha Qazaqstanda 35 554 adam koronavirýstan emdelip jatyr.
KVI+, KVI- shaldyqqandardyń arasynda:
• 709 adamnyń jaǵdaiy aýyr,
• 161 patsienttiń jaǵdaiy óte aýyr,
• 91 naýqas jasandy tynys alý apparatynda jatyr.
