Sýret ashyq derekkózden alyndy
Qazaqstanda Dúniejúzilik densaýlyq saqtaý uiymynyń saityna qoljetimdilik shtattyq rejimde qalpyna keltirildi, dep habarlaidy "Ult aqparat" DSM baspasóz qyzmetine silteme jasap.
"QR Densaýlyq saqtaý ministrligi múddeli memlekettik organdarmen (QR SIM, QR AQDM) birlesip, Qazaqstan Respýblikasynyń aýmaǵynda Dúniejúzilik densaýlyq saqtaý uiymynyń resmi saityna qoljetimdilikti qalpyna keltirý máselesin pysyqtady.
2022 jylǵy 14 qazanda Almaty oblysy Talǵar aýdandyq sotynyń sheshimimen Qazaqstan Respýblikasynyń aýmaǵynda DDU resmi saityna (ww.who.int) bul resýrsta paidalanýshylarǵa sýitsidtiń naqty ádisteri, tásilderi men usynymdary usynylatyndyǵyn dáleldei otyryp, qoljetimdilik shektelgenin esterińizge salamyz.
Qazaqstandyq taraptyń usynysy boiynsha DDU resmi veb-saitynda (www.who.int) sýitsid týraly aqparattyq biýlleten ózgertildi" - delingen habarlamada.
