Foto: elements.envato.com
Densaýlyq saqtaý ministrligi Qazaqstannan dárilik zattardy eksporttaýǵa ýaqytsha tyiym salýdy josparlap otyr. Buiryq jobasy "Ashyq NQA" portalynda jariialandy, - dep habarlaidy Tengrinews.kz tilshisi.
Qujatqa sáikes, 6 aiǵa Qazaqstan aýmaǵynan kez kelgen nysandaǵy dárilik zattardy, onyń ishinde farmatsevtikalyq sýbstantsiialardy, meditsinalyq maqsattaǵy buiymdardy, sondai-aq olardy óndirýge arnalǵan materialdar men komponentterdi áketýge tyiym salý usynylady.
Tek myna jaǵdailarda ruqsat beriledi:
- Qazaqstannan tys jerge tranzittik jóneltilim boiynsha tasymaldanatyn júkter;
- tek jeke paidalanýǵa, jeke tapsyrysqa arnalǵan meditsinalyq buiymdar;
- halyqaralyq gýmanitarlyq kómekke arnalǵan taýarlar;
- bólshek saýda sheńberinde jeke tutyný úshin ákelinetin jáne satyp alynǵan taýarlar;
- tegin meditsinalyq kómektiń kepildik berilgen kólemi jáne mindetti meditsinalyq saqtandyrý sheńberinde alynǵan dárilik zattar;
- satýǵa quqyǵy joq kórmelerge arnalǵan úlgiler;
- zertteýler men synaqtarǵa arnalǵan úlgiler;
- paidalaný orny boiynsha densaýlyq saqtaý uiymdarynda óndirilgen radiofarmatsevtikalyq preparattar;
- memlekettik tirkeý kezinde saraptamaǵa alynǵan úlgiler;
- patsienttiń nemese onyń donorynyń aýtologiialyq biomaterialdaryn paidalana otyryp, jeke qoldanýǵa arnalǵan keńeitilgen terapiialyq dári-dármekter;
- EAEO kedendik aýmaǵyna keletin kólik quraldarynyń jolaýshylary men ekipaj múshelerin emdeýge arnalǵan dárilik zattar;
- halyqaralyq mádeni, sporttyq is-sharalarǵa qatysýshylardy jáne halyqaralyq ekspeditsiialarǵa qatysýshylardy emdeýge arnalǵan dárilik zattar;
- Qazaqstan óndirýshileri shyǵarǵan, tyiym salynǵan "ST-1" nysanyndaǵy taýardyń shyǵý tegi týraly sertifikaty bar dárilik zattar.
Buiryq jobasy 6 sáýirge deiin qoǵamdyq talqylaýǵa usynylǵan.
