Ótken jyldyń sońǵy toqsanynda elimizdegi densaýlyq saqtaý jáne áleýmettik qyzmet kórsetý salasyndaǵy ortasha ailyq ataýly jalaqy 246,2 myń teńgeni qurady. Bul - bir jyl burynǵy jalaqydan 24,7 paiyzǵa joǵary, dep habarlaidy QazAqparat tilshisi Ranking.kz saityna silteme jasap.
2021 tórtinshi toqsanynda elimizdegi densaýlyq saqtaý jáne áleýmettik qyzmet kórsetý salasynda 548,3 adam jumyspen qamtylǵan.
Bul bir jyl burynǵy derekten 5,2 paiyzǵa kóp. 2020 jyldyń dál osyndai kezinde bul salada 521 myń adam jumyspen qamtylǵan edi.
Óńirlik shekte Almaty oblysynda atalǵan sektorda jumyspen qatylǵandardyń úlesi basym — 68,7 maman.
Odan keiingi orynda Almaty qalasy men Shyǵys Qazaqstan oblysy tur.
Al sektordaǵy jumyspen qamtylǵandardyń sany eń azy — Atyraý oblysy. Óńirde sala mamandarynyń sany - 13,9 myń adam.
Degenmen, 2020 jylǵa qaraǵanda respýblikadaǵy dáriger tapshylyǵy 38 paiyzǵa azaiyp otyr. Alaida, árbir aýdandyq aýrýhanada neonatolog, pediatr, kardiolog, lor-dáriger jáne basqa da mamandar jetispeidi.
2021 tórtinshi toqsanynda qalalarda densaýlyq saqtaý jáne áleýmettik qyzmet kórsetý salasynda jumyspen qamtylǵandar 358,3 myń adamdy qurady.
Al aýyldarda nebári 190 myń maman qyzmet etedi.
Ótken jyly densaýlyq saqtaý jáne áleýmettik qyzmet kórsetý salasyndaǵy ortasha ataýly jalaqy 246,2 myń teńgeni qurady. Bul bir jyl burynǵy jalaqydan 24,7 paiyzǵa joǵary.
Óńirler arasynda bárinen de elordalyq mamandardyń jalaqysy joǵary — 316,9 myń teńge. Ósim 12,5 paiyzdy quraidy.
Jalaqy joǵary óńirlerdiń úshtigine Almaty qalasy men Atyraý oblysy kiredi.
Densaýlyq saqtaý salasyndaǵy ortasha jalaqy 251,5 myń teńge, bul bir jyl burynǵy kórsetkishten 24,1 paiyzǵa kóp.
Onyń ishinde aýrýhana qyzmetkerleri ortasha 263,1 myń teńge, dárigerlik jáne stomatologiialyq tájiribe qyzmetkerleri 236,4 myń teńge, densaýlyq saqtaý boiynsha ózge de qyzmetpen ainalysqan qyzmetkerler 229,3 myń teńge aldy.
