Elimizde patsientke ekpe egý ne dári berý kezinde meditsinalyq qyzmetkerlerdiń áreketterin retteitin buiryq kúshine endi, dep habarlaidy "Ult aqparat" QR DSM baspasóz qyzmetine siltem jasap.
QR Densaýlyq saqtaý ministri «Qazaqstan Respýblikasynda allergologiialyq jáne immýnologiialyq kómek kórsetýdi uiymdastyrý standartyn bekitý týraly» QR Densaýlyq saqtaý ministriniń 2017 jylǵy 26 maýsymda № 446 buiryǵyna ózgerister men tolyqtyrýlar engizý týraly» buiryqqa qol qoidy.
«Atalmysh qujat halyqaralyq standarttarǵa sáikes patsienttiń qaýipsizdigin qamtamasyz etý jáne allergiialyq reaktsiialardyń aldyn alý maqsatynda meditsinalyq dári-dármekterdi engizý kezindegi meditsinalyq qyzmetkerlerdiń áreketterin retteidi», - delingen habarlamada.
Onda dári - dármekterdi (ásirese antibiotik, anestetik, miorelaksant, neiroleptik, antikoagýliant, aqýyz nemese sarysý negizindegi preparat, rentgenkontrasty zattar) qoldana otyryp, meditsinalyq kómek kórsetýdiń kez kelgen kezeńinde qoldanýǵa múmkindik beretin, patsientti aýyr allergiialyq reaktsiialardyń órshýin qaýipsizdendiretin, dárilik asa joǵary sezimtaldyqty diagnostikalaý úshin túsiný jáne qoldanýdyń qarapaiym algoritmi usynylǵan.
Tabletka preparattardy taǵaiyndaýdan bastap reanimatsiiada aýyr jaǵdailarǵa deiin ár túrli jaǵdailarda qoldanylýǵa múmkin bolatyn, dári-dármektik asa joǵary sezimtaldyqty diagnostikalaý ádisin tańdaý joldary usynylǵan.
Elimizde ret bastapqy immýndyq tapshylyq kúdigi bar patsientterdi mekemege joldaý algoritmi bekitildi, bul patsientterdiń osy aýyr sanatyna ýaqtyly mamandandyrylǵan meditsinalyq kómek kórsetýge múmkindik beredi.
DSM baspasóz qyzmetiniń málimetinshe, atalmysh qujat 2009 jylǵy 18 qyrkúiektegi «Halyq densaýlyǵy jáne densaýlyq saqtaý júiesi týraly» kodeks pen 2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý sheńberinde bekitilgen.
Esterińizge sala keteiik, byltyr qyrkúiek aiynda Astanadaǵy aýrýhanalardyń birine júgingen 28 jastaǵy kelinshek ekpeden keiin allergiialyq reaktsiia berip kóz jumǵan bolatyn.
