Elordanyń jumyspen qamtý ortalyǵy «Elektrondyq eńbek birjasy» internet-portaly arqyly bos jumys oryndaryn tolyqtyrý, izdenýshilerge jumys ornyn qarastyrý boiynsha jumys berýshilermen birlese qyzmet etedi, dep habarlaidy "Ult aqparat" qala ákimdiginiń resmi saityna silteme jasap.
Elektrondyq eńbek birjasy jumysqa ornalastyrý úderisin jeńildetý úshin jumys isteidi, onda izdenýshi onlain tirkelip, óz túiindemesin ornalastyra alady.
Statistikaǵa súiensek, búgingi kúni www.enbek.kz portalynda 5 491 bos jumys orny bar, onyń ishinde 443 bos jumys orny ikemdi kesteli.
Jumys berýshiler arasynda www.enbek.kz elektrondyq eńbek birjasynda dáriger, júrgizýshi, injener, tárbieshi, kassir, medbike sekildi mamandyqtar suranysqa ie. Al izdenýshiler arasynda kúzetshi, zańger, únemdeýshi, esepshi, is-júrgizýshi mamandyqtary jii qaralady.
Jumyspen qamtý ortalyǵyna júginý úshin jumys izdeýshi tulǵa ETsQ arqyly tirkeýden ótýi qajet. Ótinish bildirgennen keiin, azamattyń qoldanystaǵy baǵdarlamalar, jumysqa ornalastyrý nusqamalary nemese kásiptik bilim alý týraly tegin keńes alýǵa múmkindigi bar.
Jumysqa ornalasý máselesi boiynsha «Órken» IO ornalasqan Nur-Sultan qalasy ákimdiginiń Halyqty jumyspen qamtý ortalyǵyna habarlasýǵa bolady.
