ەلوردانىڭ جۇمىسپەن قامتۋ ورتالىعى «ەلەكتروندىق ەڭبەك بيرجاسى» ينتەرنەت-پورتالى ارقىلى بوس جۇمىس ورىندارىن تولىقتىرۋ, ٸزدەنۋشٸلەرگە جۇمىس ورنىن قاراستىرۋ بويىنشا جۇمىس بەرۋشٸلەرمەن بٸرلەسە قىزمەت ەتەدٸ, دەپ حابارلايدى "ۇلت اقپارات" قالا ەكٸمدٸگٸنٸڭ رەسمي سايتىنا سٸلتەمە جاساپ.
ەلەكتروندىق ەڭبەك بيرجاسى جۇمىسقا ورنالاستىرۋ ٷدەرٸسٸن جەڭٸلدەتۋ ٷشٸن جۇمىس ٸستەيدٸ, وندا ٸزدەنۋشٸ ونلاين تٸركەلٸپ, ٶز تٷيٸندەمەسٸن ورنالاستىرا الادى.
ستاتيستيكاعا سٷيەنسەك, بٷگٸنگٸ كٷنٸ www.enbek.kz پورتالىندا 5 491 بوس جۇمىس ورنى بار, ونىڭ ٸشٸندە 443 بوس جۇمىس ورنى يكەمدٸ كەستەلٸ.
جۇمىس بەرۋشٸلەر اراسىندا www.enbek.kz ەلەكتروندىق ەڭبەك بيرجاسىندا دەرٸگەر, جٷرگٸزۋشٸ, ينجەنەر, تەربيەشٸ, كاسسير, مەدبيكە سەكٸلدٸ ماماندىقتار سۇرانىسقا يە. ال ٸزدەنۋشٸلەر اراسىندا كٷزەتشٸ, زاڭگەر, ٷنەمدەۋشٸ, ەسەپشٸ, ٸس-جٷرگٸزۋشٸ ماماندىقتارى جيٸ قارالادى.
جۇمىسپەن قامتۋ ورتالىعىنا جٷگٸنۋ ٷشٸن جۇمىس ٸزدەۋشٸ تۇلعا ەتسق ارقىلى تٸركەۋدەن ٶتۋٸ قاجەت. ٶتٸنٸش بٸلدٸرگەننەن كەيٸن, ازاماتتىڭ قولدانىستاعى باعدارلامالار, جۇمىسقا ورنالاستىرۋ نۇسقامالارى نەمەسە كەسٸپتٸك بٸلٸم الۋ تۋرالى تەگٸن كەڭەس الۋعا مٷمكٸندٸگٸ بار.
جۇمىسقا ورنالاسۋ مەسەلەسٸ بويىنشا «ٶركەن» ٸو ورنالاسقان نۇر-سۇلتان قالاسى ەكٸمدٸگٸنٸڭ حالىقتى جۇمىسپەن قامتۋ ورتالىعىنا حابارلاسۋعا بولادى.
