Qazaqstanda ótken táýlikte 1068 adamnyń analizinen koronavirýs anyqtaldy. Bul bir kún burynǵy kórsetkishten shamamen 350-ge kóp. 14 maýsymda 757 adam Covid-ke shaldyqqan.
15 maýsymda Nur-Sultanda – 294, Qaraǵandy oblysynda – 160, Almatyda 112 naýqas tirkeldi. Qalǵan qalalar men oblystarda anyqtalǵan naýqastar júzge jetpeidi.
Nur-Sultan qalasy koronavirýs boiynsha "qyzyl aimaqta" qalyp otyr. Seisenbi kúni densaýlyq saqtaý ministri Aleksei Tsoi ótken aptamen salystyrǵanda astanada naýqastar 7 paiyzǵa kóbeidi dep málimdegen. Qalǵan qalalar men oblystar "sary" jáne "jasyl aimaqta".
2020 jyldyń naýryz aiynan beri elde 404 064 adamnyń koronavirýs testi oń shyqqan.
14 maýsymda taǵy 60 adam pnevmoniianyń koronavirýsqa uqsas túrine shaldyqqan. Elde koronavirýs pen koronavirýs pnevmoniiasyna shaldyqqandar bólek esepteledi. Biraq halyqaralyq uiymdardyń saitynda eki kórsetkish biriktirilgen. 2020 jyldyń 1 tamyzynan beri elde 56 276 adam "pnevmoniiamen" aýyrǵan.
Indet bastalǵaly beri 4195 adam (14 maýsymda 15 adam qaitys bolǵan) koronavirýstan qaitys bolǵan. Taǵy 3416 adamnyń ólimine koronavirýs pnevmoniiasy sebep boldy dep aitylady. Odan bólek, indet bastalǵaly beri shamamen 2 myń adam koronavirýstyń "janama áserinen" qaitys bolǵan. Qazaqstanda mundai adam ólimi kórsetkishi Covid statistikasyna engizilmeidi.
Sońǵy málimet boiynsha, elde 2 mln 587 myń adam koronavirýsqa qarsy vaktsinanyń keminde bir dozasyn alǵan. 1 mln 480 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 176 mln 571 myń adamnan koronavirýs anyqtalǵan. 3,8 mln adam qaitys bolǵan.
Qazir Qazaqstan kórshisi Resei men Qyrǵyzstanda virýs kúrt kúsheigen. 15 maýsymda Reseide 14 185 adamnan koronavirýs anyqtaldy. Bilik shekteý sharalaryn qaita kúsheite bastaǵan. Qyrǵyzstan densaýlyq saqtaý ministrligi 15 maýsymda elde koronavirýstyń "úshinshi tolqyny" baiqalǵanyn habarlady. Seisenbi kúni ol jaqta 500-den astam naýqas anyqtalǵan.
