QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova COVID-2019 aýrýynyń patsientterin emdemeitin dárigerlerdiń arasynda koronavirýsty juqtyrý faktisi artyp bara jatqanyn málim etti, dep habarlaidy "Ult aqparat".
«COVID-2019 aýrýymen jatqan patsientterdi emdeýge, kútýge tartylmaǵan densaýlyq saqtaý uiymdarynyń meditsinalyq qyzmetkerleriniń arasynda koronavirýs infektsiiasyn juqtyrǵan azamattardyń sany da tez ósip kele jatqanyn atap ótý kerek. Sonymen qatar atalǵan kontingent mańyzdy epidemologiialyq bólim sanalady. Iaǵni bul sanat infektsiiany ary qarai órshitýi múmkin oshaqqa ainalý qaýpi bar», - dedi Liýdmila Biýrabekova OKQ-da onlain rejimde ótken baspasóz máslihatynda.
Komitet tóraǵasy búgingi kúnge deiin COVID-2019 aýrýymen jatqan patsientterdi emdeý jáne kútý sharalarymen ainalyspaityn 82 adamnyń virýs juqtyrǵanyn aityp ótti.
«Juqtyrýdyń joǵary deńgeii Nur-Sultan (36), Almaty (33) qalalarynda, sonymen qatar Atyraý (6), Aqmola (3) oblystary jáne Qaraǵandy, Qyzylorda, Soltústik Qazaqstan oblystarynda, sondai-aq IIM vedomstvoaralyq qyzmetinde tirkeldi», - dedi ol.
Liýdmila Biýrabekova Nur-Sultanda Ulttyq ǵylymi kardiologiialyq ortalyqtan 8 adam, Ulttyq onkologiia jáne transplantologiia ortalyǵynan 16 adam, «Meiirim» meditsinalyq ortalyǵynan 7 adamnyń koronaviýs juqtyrǵanyn málim etti.
