Almaty men Nur-Sultan qalalarynda koronavirýs infektsiiasy bir adamnan 2-7 adamǵa juqqan. Bul týraly QR Bas sanitar dárigeri Aijan Esmaǵambetova aityp berdi, dep habarlaidy QazAqparat.
«Qazirgi ýaqytta virýs bizdiń ortamyzda júr, óz ishimizde virýs taralyp jatqanyn eskertkim keledi. Elimizde tirkelgen 369 KVI juqtyrý jaǵdaiynyń 70% - naýqaspen bailanysta bolǵandar. Iaǵni, jergilikti jaǵdailar dep atalady, búl jaǵdaida infektsiia oshaǵyn anyqtaý múmkin emes», - dedi bas sanitarlyq dáriger Ortalyq kommýnikatsiialar qyzmetinde ótken brifingte.
Onyń aitýynsha, bir adam orta eseppen 4 adamǵa infektsiia juqtyra alady. Aýrý belgileri paida bolmai turyp-aq, adam boiynda infektsiia bolady.
«Almaty jáne Nur-Sultan qalalarynda bir naýqastan 2-7 adamǵa deiin aýrý juqtyrý jaǵdailaryn keziktirdik. Bul derekter virýstyń juǵý qaýpi joǵary ekenin taǵy da dáleldep otyr. Sondyqtan, eldegi, ár oblys, qala, aýdan, eldimekendegi jáne árbir otbasyndaǵy karantin - negizgi aldyn alý sharasy bolyp qala beredi. Artyq bailanysty toqtatyp, tolyq oqshaýlaný virýstyń adamnan adamǵa taraýyn toqtatady», - dedi A. Esmaǵambetova.
Buǵan deiin A. Esmaǵambetova koronavirýs infektsiiasynan qaitys bolǵandardy jerleý algoritmin túsindirgen edi.
