QR Premer-Ministriniń orynbasary E. Toǵjanovtyń tóraǵalyǵymen ótken Vedomstvoaralyq komissiianyń otyrysynda birqatar mańyzdy máseleler qaraldy, dep habarlaidy primeminister.kz saity.
Densaýlyq saqtaý, syrtqy ister ministrlikteri COVID-19 vaktsinasyn satyp alýǵa aldyn-ala kelisimsharttar jasasý boiynsha júrgizilip jatqan jumystar týraly baiandady.
Premer-Ministrdiń orynbasary memlekettik organdarǵa vaktsinatsiialaýǵa jatatyn toptardy anyqtaýdy, shyǵyndar boiynsha qajetti esepteýler júrgizýdi, sondai-aq COVID-19-dan egilýge ruqsat alatyn úmitker vaktsinalar keshenine qol jetkizýge múmkindik beretin «COVAX Facility» baǵdarlamasyna Qazaqstannyń qatysý múmkindigine taldaý jasaýdy tapsyrdy.
Koronavirýstyq infektsiiaǵa qarsy otandyq vaktsinany ázirleýdi jedeldetý, sondai-aq aǵymdaǵy jyldyń sońyna deiin Jambyl oblysyndaǵy QR BǴM Biologiialyq qaýipsizdik problemalary ǵylymi-zertteý institýty janynan vaktsinalar óndiretin biofarmatsevtikalyq zaýytty iske qosý qajettiligi erekshe atalyp ótti.
Sondai-aq, E. Toǵjanov óńirlerdiń ákimdikterine jáne ministrlikterge COVID-19-ǵa qarsy kúreske tartylǵan meditsina qyzmetkerlerine tiisti ústemeaqylar men ótemaqylardy ýaqytyly tóleýdi qamtamasyz etýdi tapsyrdy.
Otyrysta «SQ-Farmatsiia» JShS basshylyǵynyń esebi tyńdaldy, onda statsionarlardaǵy dárilik zattardyń bir ailyq qory týraly baiandaldy. Premer-Ministrdiń orynbasary COVID-19 emdeý úshin eki ailyq dári-dármek qoryn qamtamasyz etýdi, sondai-aq azamattardy úide emdeý úshin qajetti qor qurýdy tapsyrdy.
Keńes qorytyndysy boiynsha E.Toǵjanov birqatar naqty tapsyrmalar berdi.
