2020 jyly qurylys salasy ekonomikalyq ósýdiń negizgi draiveri bolyp qaldy. Bul týraly Úkimet otyrysynda QR Indýstriia jáne infraqurylymdq damý ministri Beibit Atamqulov aitty, dep habarlaidy QazAqparat.
«Qalyptasqan jaǵdaiǵa qaramastan, qurylys salasy ekonomikalyq ósýdiń negizgi draiveri bolyp qaldy. Qurylys salasynda naqty kólem indeksi 2020 jyldyń qorytyndysynda 111,2 paiyz boldy. 16 óńirde oń dinamika baiqalady», - dedi ol.
Ministr turǵyn úi qurylysynda 2020 jyldyń qorytyndysynda 15 mln 336 myń sharshy metr baspana paidalanýǵa berilgenin aitty.
«Bul – ótken jylymen salystyrǵanda 116,8 paiyz. Respýblika boiynsha barlyǵy 140 myńnan astam baspana paidalanýǵa berildi. Onyń ishinde 41 193 jeke turǵyn úi bar. Kórsetkish 15 óńirde artty. Óńdeýshi ónerkásiptiń negizgi sektorlary, onyń ishinde otandyq qurylys materialdary óndirisiniń ósimi arqasynda ekonomikanyń ózindik jetkiliktiligin arttyrýǵa jáne barlyq aralas salalarda oń nátijege qol jetkizdik», - dedi Beibit Atamqulov.
