Qazaqstanda «Bus Lane» jolaǵymen kóliktiń basqa túrleriniń júrýine ruqsat beriletin ýaqyt belgilenbek, dep habarlaidy "Ult aqparat".
Mundai ózgeris QR Ishki ister ministrliginiń Ákimshilik politsiia komiteti ázirlegen Úkimet qaýlysynyń jobasynda kózdelgen. Atalǵan jobada «Jol júrisi qaǵidalaryn, kólik quraldaryn paidalanýǵa ruqsat berý jónindegi negizgi erejelerdi, kóligi arnaiy jaryq jáne dybys signaldarymen jabdyqtalýǵa jáne arnaiy tústi-grafikalyq shemalar boiynsha boialýǵa tiis jedel jáne arnaiy qyzmetter tizbesin bekitý týraly» Qazaqstan Respýblikasy Úkimetiniń 2014 jylǵy 13 qarashadaǵy № 1196 qaýlysyna «Bus Lane» jolaǵymen tek qoǵamdyq kólikterdiń júrý ýaqyty tańerteń 2 saǵat, al keshke 3 saǵat bolyp ózgertý engizilmek.
«2. 5.9, 5.10.1 – 5.10.3 belgilerimen belgilengen marshrýttyq kólik quraldaryna arnalǵan jolaǵy bar joldarda saǵat 07:30-dan 9:30-ǵa deiin jáne saǵat 17:00-den 20:00 ýaqyt aralyǵynda qoǵamdyq kólikterdiń júrýi júzege asyrylady jáne aialdaidy (Qaǵidalardyń 24-bóliminiń 2 jáne 4-tarmaqtarynda kózdelgen jaǵdailardy qospaǵanda), qalǵan ýaqyttarda jáne demalys kúnderi osy jolaqta qoǵamdyq kólikterden basqa kólik quraldary júrý jáne aialdaý júzege asyrylady», - delingen jariia talqylaýǵa shyǵarylǵan qaýlyda.
