Búgin – «Abai kúni». 10 tamyz – ult rýhaniiatynyń temirqazyǵy, Abai Qunanbaiulynyń týǵan kúni.
Elbasy Nursultan Nazarbaevtyń «Abai sózi – qazaqtyń boitumary. Abai murasy – qazaqtyń eń qasietti qazynasy»,- degen ónegeli sózi bar.
Prezident Qasym-Jomart Toqaev óziniń «Abai jáne HHI ǵasyrdaǵy Qazaqstan» atty maqalasynda: «Ǵulama Abai – qazaq topyraǵynan shyqqan álemdik deńgeidegi kemeńger. Ol kúlli adamzat balasyna aqyl-oidyń jemisin syilady», – dep dara perzenttiń danalyq ornyn aiqyndap kórsetken edi.
Rasynda uly aqyn óz shyǵarmalarynda nasihattaǵan eńbeksúigishtik, bilimge degen qushtarlyq, izgilik pen parasatqa zeiin qoiyp, tárbie alý – búgingi kúni alǵa qoiǵan mindetterdiń biri. Hakim Abai aitqan izgi qundylyqtar ómirsheńdigin joimaq emes.
«Óldi deýge siia ma, oilańdarshy, ólmeituǵyn artyna sóz qaldyrǵan?» degen sózimen ózine eskertkish qalap, urpaǵyna óshpes ónege, ólmes bilimdi asyl mura etip qaldyrǵan uly Abai álemi – sheksiz álem.
Biz Hakim Abaiǵa, ult mádenietine qurmet kórsetýdi jalǵastyra beremiz.
Qurmetti qazaqstandyqtar, barshańyzdy mən-mańyzy joǵary, rýhani merekemen shyn júrekten quttyqtaimyz!
