2020 jyldyń 7 aiynda elimizde bólshek saýda kólemi 11,7 paiyzǵa tómendep ketti. Bul týraly QR Ulttyq ekonomika ministrliginiń Statistika komitetinen málim etti, dep habarlaidy "Ult aqparat".
«Bólshek saýda kólemi 2020 jylǵy qańtar-shildede 5 608,8 mlrd teńgeni qurady nemese 2019 jylǵy tiisti kezeńine qaraǵanda 11,7 paiyzǵa az. 2020 jylǵy qańtar-shildede respýblikadaǵy bólshek saýdanyń jalpy kólemindegi edáýir joǵary úles salmaq Almaty qalasyna (29,3%), Nur-Sultan qalasyna (11,5%), Qaraǵandy (9,5%) jáne Shyǵys Qazaqstan(9,1%) oblystaryna keledi», - delingen komitet habarlamasynda.
