Búgin QR Premer-Ministriniń orynbasary Eraly Toǵjanovtyń tóraǵalyǵymen ótken Vedomstvoaralyq komissiianyń otyrysynda Memleket basshysy Qasym-Jomart Toqaevtyń 2020 jylǵy 16 qarashadaǵy COVID-19 taralýyna qarsy is-qimyl boiynsha bergen tapsyrmalary sheńberinde naqty sharalar ázirlendi, dep habarlaidy "Ult aqparat" primeminister.kz-ke silteme jasap.
VAK otyrysynyń qorytyndysy boiynsha kelesi sheshimder qabyldandy:
1. Qoǵamdyq kóliktiń jumysyn basqa qyzmet túrlerimen úilestirý.
«Jasyl aimaqta» ornalasqan óńirlerde qoǵamdyq kóliktiń jumysy apta ishinde saǵat 23:00-ge deiin uzartylady.
«Sary aimaqta» ornalasqan óńirlerde qoǵamdyq kóliktiń jumysy demalys jáne mereke kúnderin qospaǵanda, saǵat 23:00-ge deiin uzartylady.
2. 2020 jylǵy 21 qarashadan bastap qyzmeti kelýshilermen tikelei bailanysty emes kásipkerlik sýbektileriniń jumys ýaqyty boiynsha shekteýler alynyp tastalady: avto-ekspress (tamaqty ózimen birge alyp ketý), kólik jýý, avtomobilderge tehnikalyq qyzmet kórsetý jáne jóndeý stantsiialary, tigin sheberhanalary, turmystyq tehnika, aiaq kiim, telefon, kompiýter, saǵat jóndeý, kir jýý jáne himiialyq tazalaý ortalyqtary.
3. Biylǵy 21 qarashaǵa deiin halyqpen bailanys deńgeii tómen biznes nysandarynyń qosymsha tizimin daiyndaý tapsyryldy.
4. Osy jyldyń 21 qarashasyna deiin kásipkerlik sýbektileriniń sanitarlyq buzýshylyqtaryn tártip buzýshylyǵynyń aýyrlyq dárejesi boiynsha (kishigirim, mańyzdy, óreskel) shekteitin normativtik-quqyqtyq aktini qabyldaý tapsyryldy.
5. Qazaqstan Respýblikasynyń jáne oblystardyń bas memlekettik sanitarlyq dárigerleriniń qaýlylaryn shekteý is-sharalary qoldanysqa engizilgenge deiin 3 kún buryn qabyldaý tapsyryldy. Bul bizneske jańa shekteýlerge aldyn-ala daiyndalýǵa múmkindik beredi.
6. COVID-19-ǵa qarsy otandyq vaktsinany ázirleýdi jáne óndirýdi bastaýdy jedeldetý.
7. Shyǵys Qazaqstan, Soltústik Qazaqstan oblystarynyń ákimdikterine on kún merzimde qyzyl aimaqtan shyǵý úshin epidemiologiialyq jaǵdaidy turaqtandyrý jóninde túbegeili sharalar qabyldaý qajet.
8. Densaýlyq saqtaý salasyndaǵy statistikalyq derekterdiń ashyqtyǵyn qamtamasyz etý maqsatynda COVID-19 boiynsha PTR zertteýlerin júrgizetin zerthanalardyń integratsiiasyn bir apta ishinde aiaqtaý tapsyryldy.
9. Biylǵy 21 qarashaǵa deiin aýrýhanalardyń reanimatsiialyq bólimsheleriniń materialdyq bazasyn tekserý, qajet bolǵan jaǵdaida olardy tolyqtyrý boiynsha jedel sharalar qabyldaý.
10. 2020 jylǵy 21 qarashaǵa deiin dárilik zattar men meditsinalyq buiymdar rezervin qalyptastyrý boiynsha óńirlerdegi ahýalǵa muqiiat monitoring jumystaryn júrgizý.
11. Biologiialyq qaýipsizdik máseleleri jónindegi QR zań jobasyn ázirleýdi ony Parlament Májilisine engize otyryp, aǵymdaǵy sessiianyń sońyna deiin usyný.
12. Áskeri gospitaldardaǵy tósek qoryn qajetti jaǵdaida jedel óristetýge tolyq ázirlikti qamtamasyz etý.
Keńes qorytyndysy boiynsha Premer-Ministrdiń orynbasary dárilik zattardyń baǵasyn tómendetý, dári-dármekter men meditsinalyq buiymdardyń baǵasyn retteý, otandyq maska óndirýshilerdi shikizatpen qamtamasyz etý kepildendirilgen tetikterin aiqyndaý jáne t. b. máseleler boiynsha birqatar tapsyrmalar berdi.
