Ulttyq ekonomika ministrligi shaǵyn kásipkerlik sýbektilerin tekserýge tyiym salýdy 2024 jylǵa deiin uzartý týraly Prezident jarlyǵynyń jobasyn daiyndady. Qujat "Ashyq NQA" resmi portalynda jariialandy, - dep habarlaidy Tengrinews.kz.
Memleket basshysynyń "Qazaqstan Respýblikasynda tekserýler men profilaktikalyq baqylaý men qadaǵalaýdy júrgizýge barý arqyly moratorii engizý týraly" Jarlyǵynyń jobasyna sáikes 2023 jylǵy 1 qańtardan bastap 2024 jylǵy 1 qańtarǵa deiin ortalyq memlekettik jáne jergilikti atqarýshy organdar shaǵyn kásipkerlik, onyń ishinde mikrokásipkerlik sýbektilerine qatysty memlekettik organdardyń bastamasy boiynsha júrgiziletin memlekettik baqylaý men qadaǵalaýdy toqtatýǵa mindetti.
Atap aitsaq:
- senimdi negizder jáne rastaityn dáleldemeler bolǵan kezde Qazaqstan Respýblikasy zańnamasynyń talaptaryn buzý boiynsha jeke jáne zańdy tulǵalardyń joldanymdary;
- adam ómirine, densaýlyǵyna, qorshaǵan ortaǵa jáne jeke jáne zańdy tulǵalardyń, memlekettiń zańdy múddelerine ziian keltirýdiń naqty derekteri boiynsha ne ziian keltirý qateri týraly prokýratýra organdarynyń tapsyrmalary;
- adamnyń ómirine, densaýlyǵyna, qorshaǵan ortaǵa jáne jeke jáne zańdy tulǵalardyń, memlekettiń zańdy múddelerine ziian keltirýdiń, sondai-aq joiylmaýy adamnyń ómiri men densaýlyǵyna ziian keltirýge alyp keletin Qazaqstan Respýblikasy zańnamasynyń talaptaryn buzýdyń naqty derekteri boiynsha memlekettik organdardyń joldanymdary;
- baqylaý men qadaǵalaý sýbektisiniń bastapqy tekserýmen kelispeitini týraly júginýine bailanysty qaita tekserý (jedel den qoiý sharalaryn qoldanýdyń quqyqqa syiymsyzdyǵy);
- qylmystyq qýdalaý organynyń Qazaqstan Respýblikasynyń Qylmystyq-protsestik kodeksinde kózdelgen negizder boiynsha tapsyrmasy;
- salyq tóleýshiniń joldanymdary, "Salyq jáne biýdjetke tólenetin basqa da mindetti tólemder týraly" Qazaqstan Respýblikasynyń Kodeksinde (Salyq kodeksi) aiqyndalǵan málimetter men máseleler;
- Qazaqstan Respýblikasynyń Kásipkerlik kodeksine jáne Qazaqstan Respýblikasynyń zańnamasyna sáikes negizinde júzege júrgiziletin baqylaý satyp alý túrindegi tergep-tekserý jáne profilaktikalyq baqylaý;
- kóliktegi qaýipsizdik talaptaryn saqtaý turǵysynan kóliktik baqylaý beketterinde avtomobil kóligi quraldarynyń Qazaqstan Respýblikasynyń aýmaǵy arqyly júrip ótýine bailanysty tekserýler;
- tiri maldy, janýarlardan jáne (nemese) ósimdikterden alynatyn ónim men shikizatty ótkizetin saýda bazarlarynda, janýarlardan jáne (nemese) ósimdikterden alynatyn ónimder men shikizatty biryńǵai tehnologiialyq tsiklde óndirýdi, daiyndaýdy (mal soiýdy), saqtaýdy, qaita óńdeýdi júzege asyratyn uiymdarda memlekettik veterinariialyq-sanitariialyq baqylaý men qadaǵalaýdy jáne memlekettik karantindik fitosanitariia baqylaý men qadaǵalaýǵa bailanysty tekserýler;
- karantindik aimaqtarda jáne karantindik aimaqtardaǵy jáne janýarlardyń asa qaýipti aýrýlarynyń qolaisyz pýnktterindegi, oshaqtaryndaǵy, karantindik obektilerdiń, asa qaýipti ziiandy organizmderdiń taralý oshaqtaryndaǵy is-sharalardy memlekettik baqylaýǵa jáne qadaǵalaýǵa bailanysty tekserýler;
- Qazaqstan Respýblikasynyń memlekettik aýdit jáne qarjylyq baqylaý týraly zańnamasyna sáikes júrgiziletin, respýblikalyq jáne jergilikti biýdjetterdi josparlaý men atqarý máselelerin retteitin ózge de normativtik quqyqtyq aktiler talaptarynyń saqtalýyna bailanysty tekserýler;
- "Ruqsattar jáne habarlamalar týraly" Qazaqstan Respýblikasynyń Zańynda kózdelgen jaǵdailarda jáne eger Qazaqstan Respýblikasynyń zańnamasynda ruqsattyq baqylaý kózdelgen bolsa, ruqsat jáne (nemese) ruqsatqa qosymsha berilgenge deiin ótinish berýshiniń biliktilik nemese ruqsat berý talaptaryna sáikestigine ruqsattyq baqylaýǵa bailanysty tekserýler;
- keden isi salasyndaǵy memlekettik baqylaýǵa bailanysty tekserýler;
- Qazaqstan Respýblikasynyń Memlekettik shekarasyn kesip ótýge bailanysty tekserýler;
- prokýratýra júzege asyratyn joǵary qadaǵalaýǵa bailanysty tekserýler;
- qylmystyq is boiynsha sotqa deiingi is júrgizý barysynda baqylaýǵa jáne qadaǵalaýǵa bailanysty tekserýler;
- terroristik turǵydan osal obektilerdiń terrorizmge qarsy qorǵalýyn qamtamasyz etý bóliginde Qazaqstan Respýblikasynyń terrorizmge qarsy is-qimyl týraly zańnamasy talaptarynyń saqtalýyna bailanysty tekserýler;
- áreketterinde kartel belgileri baiqalatyn memlekettik satyp alýǵa qatysýshylarǵa qatysty Qazaqstan Respýblikasynyń básekelestikti qorǵaý salasyndaǵy zańnamasy talaptarynyń saqtalýyn tekserýler.
Eske salaiyq, moratorii "shaǵyn kásipkerlikti, onyń ishinde shaǵyn kásipkerlikti damytý úshin jaǵdaidy jaqsartý" maqsatynda engizilgen bolatyn.
