Qazaqstanda «Biznestiń jol kartasy» sheńberinde shaǵyn jáne orta biznesti qoldaý boiynsha qyzmet túrleri keńeitilmek, dep habarlaidy QazAqparat.
Úkimet otyrysynda baiandama jasaǵan Ulttyq ekonomika ministri Rýslan Dálenovtiń aitýynsha Ulttyq bank baǵdarlamasy men «Biznestiń jol kartasy» sheńberinde shaǵyn jáne orta biznesti qoldaý boiynsha qyzmet túrleri keńeitilýde. Onyń sózinshe nesieleý rásimderi jeńildetiledi. Sondai-aq, «Biznestiń jol kartasy – 2025» memlekettik baǵdarlamasynda biznes úshin mikrokreditterdi sýbsidiialaýdy qarastyratyn jańa «Mikronesieleý» baǵyty iske qosylady.
«Osy sharalardyń barlyǵy syrtqy syn-qaterlerdiń teris saldaryn azaitýǵa baǵyttalǵan. Sondai-aq, keshendi jospar ekonomika salalaryndaǵy jedel máselelerdi sheshýge, ishki óndiris pen kásipkerlikti qoldaýǵa múmkindik beredi. Osylaisha, ekonomikalyq belsendilikti qalpyna keltirýge yqpal etetin bolady. Jalpy, keshendi jospardy júzege asyrýǵa búgingi kúni
49 zańnamalyq aktige túzetýler engizý josparlanýda. Bul – 11 kodeks pen 38 zań», - deidi Rýslan Dálenov.
